Yehofa lobi den sama di e holidoo te den e peleiki
„A sii di kai a bun doti, a den sama di abi wan kiin ati . . . Fu di den e holidoo meke den e meke nyanyan.”—LUKASI 8:15.
1, 2. (a) Saide wi e fende taanga-sikin te baala anga sisa nai gi abaa te den e peleiki a peesi pe sama nai wani aliki den? (Luku a fowtow na a bigin.) (b) San Yesesi be taki fu a peleiki di a be e peleiki a „pe a kiya”? (Luku a maiki a ondoo.)
SERGIO ANGA OLINDA e pionili na Ameekankondee. Den pasa 80 yali kaba. A siki futu fu den e meke a taanga gi den fu waka. Ma a omen yali kaba den gwenti waka go seibin yuu mamanten a wan peesi pe tyaipi sama e pasa. Den e de koosube fu wan peesi pe den besi e tapu, da den e paati den buku fu u gi den sama di e waka pasa. Gaanse sama nai poti pakisei a den, ma toku Sergio anga Olinda nai gi abaa. Den e booko lafu te den si taki den sama di e waka pasa e luku den. Twalufu yuu ten, den e waka saafisaafi go a den osu baka. Taa dei den e go na aseefi peesi baka. Den e du a sani ya sigisi dei aini a wiki, a hii yali langa.
2 A omen baala anga sisa e du a peleikiwooko anga den * (Luku a maiki a ondoo.) Te yu e holidoo, yu e gi taa baala anga sisa taanga-sikin, winsi a omen yali kaba den de a waaleiti. Wan kelen-owluman taki: „Te mi e wooko anga den baala anga sisa di e peleiki winsi san e miti den, mi e fende taanga-sikin. A holi di den e holidoo e gi mi taanga-sikin fu holidoo tu. Boiti dati den e yeepi mi fu mi á feele te mi e peleiki. Mi e piisii te mi e si fa den e du a peleikiwooko.”
hii ati enke Sergio anga Olinda. Den e du a sani ya omen yali kaba na a pisi pe den e tan winsi gaanse sama nai aliki den. Kande iseefi e peleiki a wan peesi pe gaanse sama nai wani aliki. Wi e gafa i di i nai gi abaa, bika a sani ya á makiliki.3. San a den dii akisi di wi o luku? Saide wi o luku den akisi ya?
3 Aini a artikel ya wi o luku dii akisi: San sa meke u fii booko-saka? San a wani taki fu meke nyanyan? San o yeepi u fu holidoo te wi e du a peleikiwooko? Den piki fu den akisi ya o gi u taanga-sikin fu tan du a wooko di Yesesi gi u.
SAN SA MEKE U FII BOOKO-SAKA?
4. (a) Fa Pawlesi be e fii di den Dyu á be wani aliki en? (b) Saide Pawlesi be e fii so?
4 Yu e fii booko-saka fu di yu e peleiki a wan peesi pe gaanse sama nai aliki a bun nyunsu fu a Kownukondee? Efu yu e fii booko-saka, da yu e fusutan fa apostel Pawlesi be e fii. A du a peleikiwooko wan sani fu 30 yali. A yeepi omen sama fu toon Kelesten tu (Toli 14:21; 2 Korentesama 3:2, 3). Ma toku a á be poi yeepi omen Dyu fu kon dini Yehofa. Gaanse fu den á be wani aliki en. Boiti dati son wan fu den be e du ogii anga en (Toli 14:19; 17:1, 4, 5, 13). Fa a sani ya be e meke Pawlesi fii? A taki: „Mi e kusumi. Ai go mi ati” (Romesama 9:1-3). Saide Pawlesi be e fii so? A fu di a be lobi a peleikiwooko. A be lobi sama tu. Pawlesi be e booko en ede anga den Dyu. A be e hati en taki den á be e si taki Gadu be e soi tyali-ati gi den.
5. (a) Saide wi e du a peleikiwooko? (b) Saide a á mu foondoo wi te wi e fii booko-saka son leisi?
5 A di u lobi sama enke Pawlesi meke wi e peleiki gi den. Neen meke u wani yeepi den (Mateyesi 22:39; 1 Korentesama 11:1). Te u luku u libi, wi e si kiin taki a moo bun sani di wan sama sa du, a fu dini Yehofa. U wani yeepi taawan fu si den wini di den o fende efu denseefi kon dini Yehofa. Neen meke wi e gi den taanga-sikin fu den meke moiti fu sabi Yehofa anga den sani di a o du gi libisama. A leti enke wi e tyai wan kado gi den, da wi e begi den taki: ’Gaantangi u teke en baa.’ Ma te den á wani a kado ya, da wi e fii booko-saka enke Pawlesi. A di u lobi taawan anga u hii ati meke wi e fii booko-saka, a ná di u biibi swaki. Neen meke winsi wi e fii booko-saka son leisi, u nai gi abaa. A sani di Elena di e pionili 25 yali taki a tuu. A taki: „A peleikiwooko e taanga gi mi. Ma toku, mi á be sa wani fika a wooko ya fu du wan taa wooko.”
SAN A WANI TAKI FU MEKE NYANYAN?
6. Sowtu akisi wi o luku?
6 Saide u sabi taki sani o waka bun winsi pe wi e peleiki? Wi o luku tu ageisitoli fu Yesesi di o yeepi u fu piki a akisi ya. Den ageisitoli ya e soi taki a de taanga fanowdu fu „meke nyanyan” (Mateyesi 13:23). A fosi ageisitoli a du fu a doloifibon.
7. (a) Sama abi „a doloifigoon”? Sama na „a doloifibon”? Sama a „den taka” fu a bon? (b) San fu a toli ya u mu sabi ete?
7 Leisi Yohanisi 15:1-5, 8. Yesesi soi aini a ageisitoli ya taki a Yehofa abi „a doloifigoon”. Yesesi „na a doloifibon”. Den disipel fi en a „den taka” fu a bon. * (Luku a maiki a ondoo.) Baka dati Yesesi taigi den apostel fi en taki: „Nda e fende gaandi te wi e meke tyaipi nyanyan anga te wi e soi taki wi a mi bakaman.” Ma san a wani taki fu meke nyanyan? Aini a ageisitoli ya, Yesesi á taki san na a nyanyan, ma a taki wan sani di e yeepi u fu fusutan san a be abi a pakisei.
8. (a) Fa u du sabi taki di Yesesi taki u mu „meke nyanyan”, a ná a yeepi di u mu yeepi sama fu toon en bakaman a be e taki? (b) San u sabi fu den sani di Yehofa e akisi u fu du?
8 Yesesi taki en Dda o ’koti ala den taka di nai meke nyanyan puu’. A sani ya e soi taki a te wi e meke nyanyan wawan wi o poi dini Yehofa (Mateyesi 13:23; 21:43). Ma a ná te wi e meke sama toon Yesesi bakaman, da wi e meke nyanyan (Mateyesi 28:19). Efu a dati a sani ya be wani taki, da den Kotoigi fu Yehofa di á yeepi sama fu toon wan bakaman fu Yesesi be o de enke den taka fu a bon di nai meke nyanyan. Ma a ná dati Yesesi be wani taki. Wi á poi dwengi sama fu toon Yesesi bakaman. Boiti dati Yehofa lobi u. A nai akisi u fu du sani di wi á poi du. A den sani di a sabi taki u poi du, ai taigi u fu du.—Deitolonomi 30:11-14.
9. (a) San a wani taki fu meke nyanyan? (b) Sowtu ageisitoli wi o luku?
9 San a wani taki fu meke nyanyan? A sani ya musu fu de wan sani di ala u poi du. San na a wooko di Yehofa gi ala den sama di e dini en? Na a paati di u mu paati a bun nyunsu fu a Kownukondee * (Luku a maiki a ondoo.) (Mateyesi 24:14). A ageisitoli di Yesesi be gi fu a man di e paandi goon e yeepi u fu fusutan a toli ya. Meke u luku a ageisitoli ya moo fini.
10. (a) San na a sii anga a doti di Yesesi kai aini a ageisitoli? (b) Sowtu nyanyan alisi e meke?
10 Leisi Lukasi 8:5-8, 11-15. Aini a ageisitoli fu a man di e paandi goon, Yesesi taki a sii na a ’wowtu fu Gadu’ efuso a bosikopu fu a Kownukondee. A doti, a den sama ati. A sii di kai na a bun doti meke lutu. Di a kon bigi „a meke 100 toon”. Efu na alisi a man be tyatya, sowtu nyanyan a alisi be o meke? Na alisi tiki a be o meke? Nono, na sii. A den sii ya o goo bakaten. Aini a ageisitoli ya, wan sii alisi meke 100 sii. San a toli ya e leli u fu a peleikiwooko?
Fa wi e soi taki wi e holidoo te wi e paati a bun nyunsu? (Luku paragraaf 11)
11. (a) San a ageisitoli fu a man di e paandi e leli u fu a peleikiwooko? (b) Fa wi e meke nyanyan?
11 Di u mma anga u dda efuso wan taa Kotoigi leli u sani fu a Kownukondee, a be de enke den paandi sii a wan bun doti. Den be piisii di den si taki u biibi a bosikopu fu a Kownukondee anga u hii ati. A sii di den paandi be e goo saafisaafi te enke a yuu be doo fu a meke nyanyan. Leti enke fa u be taki a fesi, a nyanyan di a alisi e meke na alisi. A ná alisi tiki ai meke. A so a de anga Kelesten tu. A ná nyun Kelesten wi e meke, ma a nyun sii. * (Luku a maiki a ondoo.) Ma fa wi e du a sani ya? Solanga wi e paati a bun nyunsu fu a Kownukondee, a tyatya wi e tyatya a sii di de aini wi ati (Lukasi 6:45; 8:1). Neen meke solanga wi e paati a bun nyunsu fu a Kownukondee, a nyanyan wi e meke fu di wi e „holidoo”.
12. (a) San a ageisitoli fu a doloifigoon anga a man di be e tyatya sii neen goon e leli u? (b) Fa yu e fii di i sabi a sani ya?
12 San a ageisitoli fu a doloifigoon anga a man di be e tyatya sii neen goon e leli u? Ai leli u taki, a ná te sama e aliki a bosikopu di wi e paati, da wi e meke nyanyan, ma solanga wi e peleiki ala yuu, a nyanyan wi e meke. Pawlesi be taki sowan sani tu. A be taki: „A sama di e paandi anga a sama di e nati den sani di paandi e wooko makandaa. Ma ibiiwan fu den o fende en paiman fu a wooko di a du” (1 Korentesama 3:8). Yehofa o pai u gi a wooko di u du. A ná fu den bakapisi fu den wooko di u du ai pai u. Matilda di e du a pioniliwooko 20 yali kaba taki: „A sabi di mi sabi taki Yehofa e si a moiti di mi e meke fu peleiki, e meke mi piisii.”
SAN O YEEPI U FU PELEIKI WINSI SAN E PASA?
13, 14. Te u luku san Romesama 10:1, 2 e taki, saide Pawlesi á be e gi abaa te a be e du a peleikiwooko?
13 San o yeepi u fu holidoo te wi e du a peleikiwooko? Meke u luku a libi fu Pawlesi moo fini. U sabi taki Pawlesi be Romesama 10:1, 2). Saide Pawlesi be e tan peleiki?
e fii booko-saka di den Dyu a á be e aliki a Kownukondee bosikopu. Ma toku noiti Pawlesi tapu fu du a peleikiwooko. Den sani di a be taki be e soi taki a be e booko en ede anga den Dyu. A be taki: „Mi baala, mi begi Gadu anga mi hii ati gi den fu den sa fende a libi. Bika mi si taki den e du ala san den poi fu dini Gadu, ma den á sabi a tuu leli” (14 A fosi sani, Pawlesi taki a di a be e ’booko en ede’ anga den Dyu meke a be e meke moiti fu peleiki gi den. A be wani yeepi den anga en hii ati fu fende a libi (Romesama 11:13, 14). Du fu tu sani, a ’begi Gadu gi den’. Pawlesi be e begi Gadu fu a yeepi den Dyu fu aliki a bun nyunsu fu a Kownukondee. Du fu dii, Pawlesi taki: „Den e du ala san den poi fu dini Gadu.” Pawlesi be e si taki den sama ya ati be bun. A be e si den enke sama di sa dini Gadu tu. A be sabi taki den Dyu di be de fayafaya be sa toon bakaman fu Yesesi di e wooko anga den hii ati leti enke en.
15. Fa u sa waka a Pawlesi baka? Gi wantu ondoofenitoli.
15 Fa u sa waka a Pawlesi baka? A fosi sani, u mu meke moiti fu fende „den sama di ati bun fu fende a teego libi”. Toli 13:48; 16:14). Na a sani ya Silvana di e du a pioniliwooko 30 yali kaba e du. A taki: „Fosi mi go peleiki a wan osu, mi e begi Yehofa fu a yeepi mi fu si den sama enke fa ai si den.” Useefi e begi Yehofa fu den engel sa yeepi u fu fende den sama di wani aliki (Mateyesi 10:11-13; Openbaring 14:6). Robert di e du a pioniliwooko moo enke 30 yali taki: „Ai bigi gi mi fu wooko makandaa anga den engel bika den sabi den sama di wi e peleiki gi.” Du fu dii, wi e meke moiti fu si den bun fasi fu den sama. Boiti dati wi e si den enke sama di sa kon dini Yehofa. Carl wan owluman di dopu moo enke 50 yali kaba taki: „Mi e luku wantu sani fu si efu a sama wani aliki tuutuu. Mi e luku efu ai lafu. Mi e luku a fasi fa ai luku mi anga den akisi di ai poti.” Efu wi e du den sani ya, leti enke Pawlesi wi o man holidoo te wi e du a peleikiwooko.
Du fu tu, u mu begi Yehofa fu a yeepi den sama di ati bun fu den sa aliki te wi e peleiki gi den („YU ANA Á MU BOO”
16, 17. (a) San Peleikiman 11:6 e leli u? (b) Sowtu bakapisi a abi te wi e peleiki?
16 Noiti u mu feegete san a bun nyunsu di wi e paati sa du gi sama, winsi a gei enke a sama nai aliki u. (Leisi Peleikiman 11:6.) Sama e luku san wi e du. Den e si taki wi e wei koosi a wan fasi di fiti. Den e si fa wi abi bun manii anga fa wi e soi switifasi gi taawan. Den sani ya sa foondoo den. Den sa meke den bigin lesipeki u. Sergio anga Olinda be ondoofeni a sani ya.
17 Sergio taki: „Wan pisiten wi á be poi go peleiki anga a pikin wagi fu di u be siki. Ma di u go baka, den sama di be e waka pasa akisi u taki: ’San be du u? Wi á si u wantu dei.’” Olinda lafu neen a taki: „Den man di e lei den besi wai ana gi u, neen den bali taigi u taki: ’A wan bun wooko wi e du!’ Den akisi u fu gi den buku.” Sergio anga Olinda foondoo di wan man waka kon na a pikin wagi pe den e poti buku, neen a gi den wan bosu boomiki. A gi den daa tu fu a wooko di den e du.
18. Saide yu o tan du a peleikiwooko?
18 Efu wi á meke wi „ana boo”, wi o yeepi omen sama fu yee a bun nyunsu fu a Kownukondee (Mateyesi 24:14). Ma a moo pelensipali sani, na a piisii di wi o piisii fu di u sabi taki wi e meke Yehofa piisii. A lobi ala den sama di e holidoo te den e du a peleikiwooko.
^ paragraaf 2 Yesesi be taki a á makiliki fu peleiki gi den sama di e tan a „pe a kiya”. A sani ya sikiifi aini den fo Beibel buku di e taki fu a libi fu Yesesi.—Mateyesi 13:57; Malikisi 6:4; Lukasi 4:24; Yohanisi 4:44.
^ paragraaf 7 Den taka fu a bon aini a ageisitoli fu Yesesi, a den Kelesten di o go tii a hemel, ma ala sama di e dini Yehofa sa leli wan sani fu a ageisitoli ya.
^ paragraaf 9 Den wowtu „meke nyanyan” e soi go na a abi di u mu abi ’den manii di a santa yeye e meke sama abi’ tu. Ma aini a artikel ya anga a taawan, wi o taki fu a paati di u mu paati a bun nyunsu fu a Kownukondee.—Galasiyasama 5:22, 23; Hebrewsama 13:15.
^ paragraaf 11 Son yuu Yesesi be e gi ageisitoli fu sama di e paandi goon anga sama di e puu nyanyan a goon fu soi san na a wooko di a gi u fu yeepi sama fu toon en bakaman.—Mateyesi 9:37; Yohanisi 4:35-38.