SANI DII SA SUTUDELI
Holidoo te sani nai go bun
Leisi Genesesi 37:23-28; 39:17-23 fu si fa Yowsefu be holidoo.
Luku san den taa tekisi e taki fu a toli. Saide sama be e libi ogii anga Yowsefu? (Gen. 37:3-11; 39:1, 6-10) On langa Yowsefu be mu holidoo? (Gen. 37:2; 41:46) San Yehofa du gi Yowsefu a pisiten de? San aa du gi en?—Gen. 39:2, 21; w23.01 17 ¶13.
Ondoosuku a toli moo fini. Winsi fa a lei a uman fu Potifar be lei gi Yowsefu, toku Beibel nai taki Yowsefu taki a lei a lei gi en. Fa den tekisi ya o yeepi u fu sabi saide Yowsefu á taki nawan sani? Saide aa de fu u sabi ala sani finifini? (Odo 20:2; Yoh. 21:25; Toli 21:37) Sowtu manii be yeepi Yowsefu fu holidoo?—Mika 7:7; Luk. 14:11; Yak. 1:2, 3.
San a toli ya e leli i. Akisi iseefi taki:
-
‘Sowtu sani sa miti mi fu di mi a wan bakaman fu Yesesi?’ (Luk. 21:12, 16, 17; Heb. 10:33, 34)
-
‘San a den sani di mi sa du nownow di o yeepi mi fu holidoo?’ (Ps. 62:7, 8; 105:17-19; w19.07 2-7)