San Beibel e taki?
Na ala begi Gadu e aliki?
SAN I BE O PIKI? I BE O TAKI GADU E ALIKI . . .
Ala sama
Son sama
Nawan sama
SAN BEIBEL E TAKI FU A TOLI YA?
„Yehofa de koosube a den sama di e kai en . . . anga wan kiin ati.”—Psalm 145:18.
SAN BEIBEL E LELI U MOO FU A TOLI YA?
Gadu nai aliki den begi fu den sama di nai libi enke fa a wani (Yesaya 1:15). Ma efu den kengi a fasi fa den e libi, neen den du sani enke fa a wani, a o aliki den te den e begi en.—Yesaya 1:18.
Efu u wani Gadu aliki den begi fu u, u mu akisi en sani di e kai anga san a wani.—1 Yohanisi 5:14.
A namonamo u mu bendi ede efuso sutu kini a doti te wi e begi?
SON SAMA E BIIBI taki ala yuu te den e begi, den mu sutu kini a doti, bendi ede efuso faw ana. Fa yu e si a toli ya?
SAN BEIBEL E TAKI FU A TOLI YA?
Gadu be aliki sama di be de „sidonsidon” e begi en. A be aliki sama di be begi en „taamputaampu” anga sama di be de „didondidon” e begi en. A be e aliki sama di be sutu kini a doti e begi en tu (1 Koloniki 17:16; 2 Koloniki 30:27; Esra 10:1; Toli 9:40). Gadu á taki a namonamo u mu sutu kini a doti, bendi ede efuso faw ana, te wi e begi en.
SAN BEIBEL E LELI U MOO FU A TOLI YA?
Gadu e aliki den sama di e lesipeki en.—Psalm 138:6.
I sa begi Gadu aini a tongo di i wani. I sa begi aini yu ati tu.—2 Koloniki 6:32, 33; Nehemiya 2:1-6.
