I wani leli moo sani te ye sutudeli anga iseefi? Den sani ya sa yeepi i fu poti moo pakisei te ye sutudeli:

• Suku wan bun peesi. Suku wan peesi di kiin, i mu man si san ye leisi. I sa sidon a wan tafaa efuso i sa suku wan koo peesi a doose.

• Suku wan peesi pei sa de i wawan. Yesesi be e go begi ‘a fuuku mmanten’ a ‘peesi pe en wawan be sa de’ (Malik. 1:35). Efi ya poi fende wan peesi pei wawan sa de, i sa taigi den famii fii efuso den sama di yu anga den e tan, a yuu di ye sutudeli anga iseefi. Akisi den fu den á puu i pakisei te ye sutudeli.

• Ná meke sani puu i pakisei. Efi ye koboloiki i telefon efuso i tablet te ye sutudeli, dai sa sete en fu aa puu i pakisei. Kande i sa salaki en efuso i sa poti en a airplane, da sama naw poi sende sani kon gii a pisiten di ye sutudeli. Efu te ye sutudeli i pakisei wan sani dii mu du, i sa sikiifi en, dai du en dyonson. Efii si taki ai taanga gii fu poti ala i pakisei, go waka pikinso. Tei kon dai go doo.