A pasa anga i wan leisi kaba taki i feegete sai sutudeli? Eeye, a omen fu wi a sani ya e miti. Ma a sani di o yeepi u a te we poti pakisei a den moo pelensipali sani fu luku baka saw leli.

Te ye sutudeli a bun fu e sitopu wawan leisi fu luku sai leli. Luku fa apostel Pawlesi be e yeepi den sama di be e leisi den biifi fi en fu du a sani ya. Di a sikiifi doo wan pisi, neen a taigi den taki: ‘Disi na a moo pelensipali sani fu ala den toli di u taki’ (Heb. 8:1). A sani ya be o yeepi den fu fusutan san a be wani taki anga sowtu sani den be mu moo poti pakisei.

Baka tei kaba sutudeli, i sa teke kande tin miniti fu pakisei san a den moo pelensipali sani di i leli. Efu ya sabi moo sai leli, a bun fu pakisei a thema efuso a toli di i be e luku. I sa pakisei a fosi sani di i leisi na a pisi ya. Efi i leli wan nyun sani, meke moiti fu taki en anga i eigi wowtu. Efu ye du a sani ya ibii toon baka, aw yeepi i fu holi sani a ede. Yu o sabi tu fai sa wooko anga den sani di i leli.