A ná te we kon makandaa anga tyaipi baala anga sisa a den komakandaa, den kelen komakandaa efuso den konkelesi wawan we dini Yehofa. Ma we du a sani ya tu te we sutudeli anga useefi, anga te we holi a Osufamii Anbegi. Luku wantu sani dii sa du te ye sutudeli anga iseefi anga te ye holi a Osufamii Anbegi:

• Seeka gi den komakandaa. Leli den singi. Yeepi ala sama aini a osufamii fu seeka wan piki.

• Leisi den toli aini Beibel. Bakadati taki fu wan fowtow fu a toli di u leisi. Sikiifi sai leli.

• Leisi wan begi aini Beibel. Bakadati dai luku fa a sa yeepi u fu begi moo bun.

• Luku wan felon a jw.org. Bakadati daw sikiifi saw leli.

• Seeka gi a peleikiwooko. Kande wan sama aini a osufamii sa du enke neen na a sama di yo peleiki gi. Dai luku san yo taki.

• Luku den sani di Yehofa meke, daw teke ten pakisei san den e leli u fi en. a