A ná ala yuu a makiliki fu membee den sani dii sutudeli. Ma a makiliki fu membee den sani di Yesesi leli u, bika a be e gi ageisitoli di sama be sa fusutan wanten. Son yuu we si den sani ya aw fesi, a sani ya e meke u poi membee den sani di a be e leli sama. A so a de tu te ye sutudeli, efi ye meke moiti fu si den sani di ye sutudeli ai fesi, i naw feegete sai leli. Fai sa du a sani ya? Puubei fu teken den sani dii leli.

Den sama di lobi teken te den leli wan nyun sani, e membee a sani di den be leli baka. A teken di den e teken nai yeepi den fu fusutan den wowtu namo, ma ai yeepi den fu membee a moo pelensipali sani di den be leli. Aa de fii teken gaan kofaliki sani, solanga a sani dii teken man yeepi i fu membee sai leli, da dati sai kaba. Ondoosuku e soi taki te gaansama e teken, a sani ya e yeepi den fu den á feegete san den leli.

Taa leisi te ye sutudeli, puubei fu teken wantu sani dii leli. Yo foondoo te yo si fa a yeepi i fu membee sai be leli.