Leisi Daniyeli 9:1-19 da yo si saide a pelensipali fu sutudeli finifini.

Meke moiti fu leisi a hii toli. San a wantu sani di be pasa? San Daniyeli du di den sani ya pasa? (Dan. 5:29–6:5). Fai be o fii efu yu a be Daniyeli?

Ondoosuku a toli finifini. Sowtu ‘santa buku’ Daniyeli be go leisi kande? (Dan. 9:2; w11-SR 1/1 22 ¶2). Saide Daniyeli taki fu den fowtu di en anga a foluku meke? (Lef. 26:39-42; 1 Kow. 8:46-50; dp-SR 182-183). Fa den sani di Daniyeli taki aini a begi fi en e soi taki a be e sutudeli Gadu Wowtu finifini?​—Dan. 9:11-13.

Sai leli dii ondoosuku a toli ya. Akisi iseefi den sani ya:

• Saw yeepi mi fu den sani di e pasa nownow á puu mi pakisei na a dini di mi e dini Yehofa? (Mika 7:7)

• Sowtu wini mio fende efu mi e sutudeli a Beibel finifini enke Daniyeli? (w04-SR 1/8 12-13 ¶17)

• Sowtu toli aini Beibel mi sa sutudeli di o yeepi mi fu ‘de na ain’? (Mat. 24:42, 44; w12-SR 15/8 5 ¶7-8)