Den wowtu ‘Yo kibii den,’ di sikiifi a Psalm 12:7, a ‘den mofinawan” (vers 5) efuso a ‘den sani di Yehofa e taki” (vers 6)?

Te i luku den sani di taki na a pisi ya, da a libisama a tekisi e taki.

David e taki a Psalm 12:1-4 taki ‘sama di e libi a wan letifasi á de moo’. Da i luku Psalm 12:5-7 now, a vers di we ondoosuku.

Vers 5 e soi san Gadu taki aw du gi den mofinawan. Aw kibii den.

Vers 6 e taki ete wan sani: ‘Den sani di Yehofa taki de soifili,’ Den de enke ‘solufu di den boon . . . te enke a kiin’. A sani ya e soi taki enke Kelesten, we biibi taki den sani di Yehofa taki de enke kiin solufu tuu.​—Ps. 18:30; 119:140.

Luku a taa vers now, Psalm 12:7: ‘Yo kibii den Yehofa, yo kibii ibiiwan fu den fu den ogiiwan fu a ten ya á pina den noiti moo.’ Sama na a ‘den’ di a tekisi ya e taki?

Baka te vers 6 taki fu ‘den sani di Yehofa taki’, da vers 7 e taki Yehofa o kibii ‘den’. A sani ya sa meke son sama denki taki a ‘den’ e soi go a den sani di Gadu taki. A tuu taki Gadu kibii a Beibel, bika winsi fa sama be meke omen moiti fu poli a Beibel, tokuso Gadu á meke den fende a okasi fu poli en.​—Yes. 40:8; 1 Peit. 1:25.

Ma a taa sani di taki a vers 5 a tuu tu. Yehofa wani yeepi den mofinawan. Aw yeepi den sama di e geme.”​—Yopu 36:15; Ps. 6:4; 31:1, 2; 54:7; 145:20.

Tei luku den tekisi ya, da sama na a ‘den’ aini vers 7?

Tei luku ala den sani di taki aini a psalm ya, ye si taki a ‘den’ aini a tekisi ya a libisama.

Psalm 12:1 be taki sama be e lei gi den sama di e libi enke fa Yehofa wani. A taa vers e taki wan sani di e soi taki Yehofa o opo taampu fu puu den sama di e lei a pasi. A psalm ya e taanga a biibi fu u. Ai membee u taki Gadu o yeepi a foluku fi en, bika den sani di ai taki soifili.

U si taki vers 7 e soi taki Yehofa o kibii ‘den’. A ‘den’ ya a den sama di den ogiiwan e fooseli.

A ‘den’ sikiifi aini a psalm ya, bika a dati de aini den Hebrew Masora buku. A Giiki Septuaginta e taki ‘wi’ tu leisi aini vers 7. A ‘wi’ ya a den sama di e libi enke fa Gadu wani, winsi fa den ogiiwan e fooseli den. Te fu kaba vers 7 e taki ‘Yehofa o kibii ibiiwan fu den, fu den sama di e du ogii á pina den’ (Ps. 12:7, 8). Aini a Arameisi Targum vers 7 e taki: ‘Masaa, a yu o kibii den sama di e libi a wan letifasi, yo kibii den fu teego fu den ogiiwan fu a ten ya á du ogii anga den. Den ogiiwan e waka na ala se, enke wan sani di e diingi a buulu fu den sama.’ Den wowtu ya e soi taki Psalm 12:7 nai taki fu den sani di Gadu taki.

A sani ya e soi taki den wowtu aini Psalm 12:7 e meke den sama di e libi a wan letifasi abi howpu, bika Gadu o yeepi den.