I be sabi a sani ya?
San den be e du anga ana-mii aini a ten di pasa?
Den be e koboloiki ana-mii fu mii sani enke kalu kon toon bolon fu baka beele. Aini somen fu den osufamii a den uman efuso den futuboi be e du a wooko ya. Fosi na ala dei i be e yee fa sama be e mii sani.—Ekisodesi 11:5; Yelemiya 25:10.
Den siton pobiki anga taa sani fu den Egeptesama di den fende e soi fa sama be e mii sani fosi. Den be e poti a kalu a wan siton tapu di den be meke fu mii sani. A sama di be e mii a kalu be e saka anga kini na a siton fesi. A be e holi wan moo pikin siton anga tu ana, da a so a be e kuuna a kalu te enke a fini. Enke fa wan buku e soi, da a moo pikin siton di den be e koboloiki fu kuuna a kalu be e wegi wan sani fu tu te go miti fo kilo. Efu i be naki wan sama anga a siton ya te yu anga en be e feti, a be sa dede.—Kuutubakaa 9:50-54.
A ana-mii a wan sani di wan osufamii be abi taanga fanowdu. Neen meke Beibel e soi taki wan sama á be mu teke a ana-mii fu wan taawan enke panti. Deitolonomi 24:6 e taki: „Nawan sama mu teke a ana-mii efuso a mii-siton fu wan taawan enke panti, bika a taawan abi a mii-siton fanowdu fu tan a libi.”
Saide Beibel e taki Yesesi „de koosube fu a Tata”?
Beibel e taki Yesesi „de koosube fu a Tata” (Yohanisi 1:18). A sani ya e soi taki Yesesi anga Gadu a tuutuu mati. Ai so tu taki a wan gaandi Yesesi abi fu de so koosube fi en Dda. A kan taki a sani di Yohanisi sikiifi aini a tekisi ya e soi go a wan gwenti di den Dyu be abi te den be e nyan.
Aini a ten fu Yesesi den Dyu be abi a gwenti fu didon lontu wan nyanyan tafaa. Den be e poti den kukutu ana a wan kunsu tapu, da den be e engee den ede go na a tafaa. A so den be e man nyan anga den letise ana. Fu di wan sama be e didon anga bansa na a tafaa, „meke a ede fu a sama di be didon neen fesi be e de ’koosube’ fi en boofu-ati”. A dati wan buku e taki.
Sama be e si en enke wan gaandi te den be didon koosube fu a edeman fu a osufamii, efuso a sama di kai den kon a wan fesa, bika den be e de koosube fi en boofu-ati. Di Yesesi be holi a lasiti Paskafesa, a Yohanisi, ’a disipel di a be moo lobi’, be gi ede kon neen boofu-ati. A so meke Yohanisi be man engee go a Yesesi fu akisi en wan sani.—Yohanisi 13:23-25; 21:20
You May Also Like
A WAKITITOLEN (SUTUDI-WAKITITOLEN)
I be sabi a sani ya?—februari 2022
Saide wan Islayeliman be e pai a famii fu wan uman di a be wani toow anga en?
A WAKITITOLEN (SUTUDI-WAKITITOLEN)
I be sabi a sani ya?—februari 2022
Saide a wan bun sani taki den Islayelisama be sa tyai mabembe anga osu-doifi enke ofaandi gi Yehofa?
A WAKITITOLEN (SUTUDI-WAKITITOLEN)
I be sabi a sani ya?—maart 2020
Boiti den sani di sikiifi aini Beibel, sowtu taa buweisi de di e soi taki den Islayelisama be de enke saafu a Egepte?
A WAKITITOLEN (SUTUDI-WAKITITOLEN)
I be sabi a sani ya?—November 2019
San a be a wooko fu wan futuboi aini Beibel ten?
A WAKITITOLEN (SUTUDI-WAKITITOLEN)
I be sabi a sani ya?—april 2019
Fa den sama fu fositen be e fende sipi fu go a taa kondee?
A WAKITITOLEN (SUTUDI-WAKITITOLEN)
I be sabi a sani ya?—februari 2019
On ten sama bigin koboloiki snoga?
