Akisi di Beibel e piki
Saide meke sama e du ogii?
Sama be wani Yesesi du ogii?—Mateyesi 4:8-10
Enke fa u sabi, gaanse sama nái wani meke toobi. Den nái wani bidiigi taawan. Ma da saide meke omen ogii e pasa? Saide meke sama lobi bidiigi taawan? Takuu nyunsu di e meke u sikin goo a sani di u gwenti yee. A wan sama e meke libisama e du ogii?—Leisi 1 Yohanisi 5:19.
Gadu be meke wi anga a fii fu du ogii? Nono. Yehofa meke wi enke fa enseefi de. A meke wi anga a fii fu lobi sama enke fa a lobi den (Genesesi 1:27; Yopu 34:10). Ma di a meke sama, a gi den wan fii wani. Di Adan anga Efa be taangayesi Gadu, neen den toon sondu sama, bika den á be tyai denseefi enke fa Gadu be meke den. A den meke wi e sondu.—Leisi Deitolonomi 32:4, 5.
Na ala ten ogii o de?
Gadu wani u feti anga den takuu fii fu u (Odo 27:11). Neen meke ai leli u san u mu du fu wi á du ogii. Ai soi u tu san u mu du fu de koloku. Ma nownow wi á poi soi lobi enke fa Yehofa e soi lobi.—Leisi Psalm 32:8.
Anga ala fa ogii lai nownow, toku Gadu á puu en ete, bika a wani ala sama si fa sani e waka te ogii de a goontapu (2 Peitilisi 3:7-9). Ma ogii ná o de fu ala ten, bika dyonson goontapu o lai anga sama di de koloku fu di den e aliki Gadu.—Leisi Psalm 37:9-11.
