A TOLI DI SIKIIFI A FESISE | SAN U MU DU TE WI ABI BOOKO-EDE?
Booko-ede aini a osufamii
Wan uman di den e kai Janet e taki: „A á langa baka di mi dda dede, neen mi man taigi mi taki a abi wan taa uman. Baka dati, a teke en koosi, neen a gwe fika mi anga den tu pikin fu u sondee fu taigi u wan sani.” Janet be fende wooko, ma a moni di a be e wooko á be sai fu a pai fu a osu fu den. A ná moni polobelema wawan a be abi. A taki: „Ala den sani di mi wawan be mu du wanboowanboo so, be e gi mi booko-ede. A be e hati mi taki mi á be poi gi den pikin fu mi san den be abi fanowdu, enke fa taa mma anga dda e gi den pikin san den abi fanowdu. Mi e booko mi ede tu fa taa sama e pakisei fu mi anga mi pikin. Kande den e si enke mi be mu meke moo moiti fu meke mi toowlibi waka bun.”
Janet
Begi e yeepi Janet fu a á kusumi tumisi. Begi e yeepi en tu fu meke moiti fu tan mati anga Gadu. A taki: „Neti te ala a peesi koo, da ai moo taanga gi mi fu mi á pakisei den booko-ede di mi abi. Ma a begi di mi e begi, anga a leisi di mi e leisi Beibel e yeepi mi fu kai a siibi. Wan tekisi di mi lobi na Filipisama 4:6, 7, pe sikiifi taki: ’Yu á mu booko yu ede anga nawan sani, ma taigi Gadu ala sani te yu e begi. Gi en daa, begi en fayafaya. Da a freide fu Gadu di libisama á poi fusutan o kibii wi ati anga u fusutan.’ A omen neti mi be e begi. A sani de meke mi fii fa a freide fu Gadu yeepi mi.”
Di Yesesi be e leli sama na a mongo, a be taki fu begi tu. Den sani di a be taki fu begi e toosutu wi, winsi sowtu booko-ede wi abi. A be taki: „U Dda sabi san wi abi fanowdu fosi u akisi en” (Mateyesi 6:8). Winsi a sabi san wi abi fanowdu, toku u mu akisi en. Begi na a moo bun fasi fa u sa „kon koosube a Gadu”. Sowtu wini a o tyai gi wi te u kon koosube a Gadu? „Enseefi o kon koosube” a wi.—Yakowbesi 4:8.
Begi nái meke u fii bun namo te u taki anga Gadu fu den booko-ede di wi abi. Yehofa, „a sama Psalm 65:2). Neen meke Yesesi be leli den bakaman fi en taki „a de fanowdu fu begi ala yuu sondee fu weli” (Lukasi 18:1). U mu e begi Gadu naamo fu a poti wi a pasi anga fu a yeepi u. U mu abi a fitoow tu taki a o yeepi u fu di wi e biibi. Noiti u mu denki taki a á wani yeepi u efuso taki a á poi yeepi u. Te wi e „begi naamo”, da wi e soi taki u biibi taanga.—1 Tesalonikasama 5:17.
di e aliki begi”, e du wan sani tu fu yeepi den sama di e biibi en (SAN BIIBI WANI TAKI TUUTUU?
San biibi wani taki? Efu u wani soi biibi, da u mu „leli sabi” Gadu (Yohanisi 17:3). A fosi sani di u mu du, a fu sutudeli Beibel fu sabi fa Gadu e pakisei. Wi o leli taki ai si iniiwan fu u. A wani yeepi u tu. Ma te u sabi wantu sani fu Gadu, da a sani ya á wani taki wi abi biibi kaba. U mu toon bun mati anga en tu. Leti enke fa wi á poi toon mati anga wan sama aini wan dei, a leti so ai teke ten tu fu toon mati anga Gadu. Te wi e meke moiti fu leli moo sani fu Gadu, te wi e „du san a lobi” anga te wi e si fa ai yeepi u, da a biibi fu u „o kon moo taanga” (2 Korentesama 10:15; Yohanisi 8:29). Na a sowtu biibi ya e yeepi Janet anga den booko-ede di a abi.
Janet e taki: „A sani di yeepi mi tuutuu, na a si di mi si fa Yehofa yeepi mi ala yuu. Te wan sama be du wan sani anga u, da wi á be e sabi fa fu du. Ma te wi e begi, da wi e si fa Yehofa e yeepi u a wan fasi di wi á be denki. Te mi e gi en daa, da a sani de e yeepi mi fu pakisei ala den sani di a du gi mi. Alaten a yeepi u na a yuu di u be abi en fanowdu. Noiti a yeepi u tumisi lati. A gi mi tuutuu baala anga sisa enke mati. Ala yuu den de kabakaba fu yeepi mi. Den na sama di den pikin fu mi sa waka a den baka.” *
Janet e taki: „Mi e fusutan saide Yehofa taki aini Maleyaki 2:16 taki a ’á lobi te sama e booko-toow seefiseefi’. Na a moo gaan ogii di wan sama sa du anga en toowpaa. A omen yali pasa kaba di mi man gwe fika mi, tokuso mi e fii a pen aini mi ati ete. Te mi e fii booko-saka, da mi e suku fu du wan sani fu yeepi wan taawan. A sani de e meke mi fii bun.” Fu di Janet e mosoo anga taawan enke fa Beibel e taki, meke a nái kusumi tumisi. *—Odo 18:1.
Gadu „a wan dda gi den pikin di ná abi dda moo. Ai kibii den uman di man dede kaba.”—Psalm 68:5
Janet e taki: „A sani di e gi mi toosutu tuutuu, na a sabi di mi sabi taki Gadu ’a wan dda gi den pikin di ná abi dda moo. Ai kibii den uman di man dede kaba’. Noiti a o gwe fika u enke fa mi man gwe fika u” (Psalm 68:5). Janet sabi taki Gadu nái tesi sama anga „ogii”, ma ai gi u koni anga „a kaakiti di bigi pasa maiki”. A sani ya e yeepi u anga den booko-ede di wi abi.—Yakowbesi 1:5, 13; 2 Korentesama 4:7.
Ma san u mu du efu wi e feele taki ogii o miti u?
^ paragraaf 9 Luku 1 Korentesama 10:13; Hebrewsama 4:16.
^ paragraaf 10 Efi i wani sabi wantu sani di o yeepi i anga den booko-ede fi i, da leisi den fosi artikel fu a Ontwaakt! fu yuli 2015, „Hebt u uw leven onder controle?” I sa fende en a www.pr418.com/nl.