Du san i poi fu meke a paladeisi di u de aini nownow kon moo moin
„Mi o moin a peesi pe mi e poti futu.”—YESAYA 60:13.
SINGI: 102, 75
1, 2. San den wowtu „bangi pe mi e poti futu” wani taki son leisi aini den Hebrew buku fu Beibel?
YEHOFA GADU be taki: „Hemel na a kownusutuu fu mi, goontapu na a bangi pe mi e poti futu” (Yesaya 66:1). A be taki tu: „Mi o moin a peesi pe mi e poti futu” (Yesaya 60:13). Fa Yehofa e moin a peesi pe ai poti en futu? San a sani ya wani taki gi den sama di e libi a goontapu, a peesi pe Gadu e poti en futu?
2 Aini den Hebrew buku fu Beibel, den e koboloiki den wowtu „bangi pe mi e poti futu” tu fu soi go na a tempel di be de aini Islayeli fosi (1 Koloniki 28:2; Psalm 132:7). A tempel be e moin gi Yehofa, bika na ape ala sama be e go fu dini en. Neen den be e koboloiki fu gi Yehofa gaandi a goontapu.
3. San na a tempel di wi á poi si anga wi ain? On ten a tempel ya be sete?
3 Sowtu peesi den sama aini a ten ya e go fu dini Yehofa? A á de fanowdu fu den go a wan tuutuu tempel enke a wan di be de aini Yelusalem. Ma den mu go a wan tempel di wi á poi si anga wi ain. A tempel ya e gi Yehofa gaandi moo iniiwan taa Hebrewsama 9:11, 12.
osu. A tempel di wi á poi si anga wi ain, a den sani di Gadu sete fu gi libisama a okasi fu toon mati anga en, anga fu dini en. Na a dede fu Yesesi Gadu koboloiki fu sete a sani ya. A tempel ya be sete di Yesesi dopu aini a yali 29. Na a ten de Yehofa salufu en enke Hei Pilisite fu a tempel ya.—4, 5. (a) Sowtu sani den diniman fu Yehofa wani du enke fa Psalm 99 e taki? (b) San u mu akisi useefi?
4 Ai bigi gi u taki Yehofa sete sani gi u fu dini en enke fa a wani. Fa u sa soi taki a sani di a sete e bigi gi u? A te wi e meke sama kon sabi a nen fi en, efuso te wi e taigi taawan taki a meke Yesesi kon dede gi u. Wi e piisii taki a moo enke aitin miliyun tuutuu Kelesten e gafa Yehofa ala dei. A omen sama e denki taki den sa gafa Gadu aini hemel baka te den dede. Ma a foluku fu Yehofa sabi taki a de taanga fanowdu fu gafa Gadu yaaso a goontapu. Den sabi tu taki a nownow den mu gafa en.
5 Te wi e gafa Yehofa, da wi e waka a den diniman fi en baka di kai aini Psalm 99:1-3, 5-7. (Leisi.) Sama enke Mosesi, Aron anga Samuweli be e holibaka gi den sani di Yehofa be sete gi libisama fu dini en (Psalm 99:6, 7). Fosi den salufu Kelesten go dini enke pilisite makandaa anga Yesesi aini hemel, da den e dini Yehofa a goontapu ya. A omen miliyun „taa sikapu” e holibaka gi den salufuwan ya (Yohanisi 10:16). Den taa sikapu anga den salufu Kelesten e dini Yehofa makandaa a goontapu ya. Ma tokuso iniiwan fu u mu akisi useefi taki: ’Mi e du ala san mi man fu holibaka gi a fasi fa Yehofa sete sani fu u dini en?’
KON SABI SAMA A DEN SAMA DI E DINI GADU ENKE FA A WANI
6, 7. Sowtu polobelema be miti den fosi Kelesten kemeente? San be pasa aini a yali 1919?
6 Beibel be taki sama be o daai baka gi a tuu biibi. Wan sani fu wan ondoo yali baka di a fosi Kelesten kemeente be sete, neen a sani ya bigin pasa (Toli 20:28-30; 2 Tesalonikasama 2:3, 4). Baka dati a be e taanga fu sabi sama a den tuutuu diniman fu Yehofa. A omen ondoo yali be pasa fosi Yehofa meke Yesesi tyai kon a kiin sama a den sama di e dini en enke fa a wani.
7 Aini a yali 1919, sama be poi si kiin sama a den sama di Yehofa fende bun. Den sama di Gadu be fende bun be kengi a fasi fa den be e libi fu be man dini Yehofa enke fa a wani (Yesaya 4:2, 3; Maleyaki 3:1-4). A fisyun di a apostel Pawlesi be si omen ondoo yali a fesi, be bigin kon tuu.
8, 9. San na a „paladeisi” di Pawlesi be si aini wan fisyun?
8 Aini 2 Korentesama 12:1-4 (leisi) wi e leisi a fisyun di a apostel Pawlesi be si. Aini a fisyun de, Yehofa be soi Pawlesi wan sani di be o pasa aini a ten di e kon. San na a „paladeisi” di Pawlesi be si? A paladeisi ya e soi go a 3 sani. A fosi sani, na a tuutuu paladeisi di o de a goontapu ya (Lukasi 23:43). A du fu tu, na a libi di Yehofa o meke u libi na a wan aini a nyun goontapu a wan moo bun fasi. Du fu dii sani, a den wini di o de aini hemel aini „a paladeisi fu Gadu”.—Openbaring 2:7.
9 Ma saide meke Pawlesi be taki a „yee wowtu di nawan sama á mu taki”? Saide meke a taki „sama ná abi leti fu taki den wowtu de tu”? Fu di a ten á be doo ete fu Pawlesi taki finifini fu den moin sani di a be si aini a fisyun. Ma aini a ten ya, Yehofa nái tapu wi fu taigi sama san a den wini di a foluku fi en e fende nownow!
10. San na a „paladeisi” di a foluku fu Gadu de aini? San meke den poi dini Gadu?
10 Son leisi den e sikiifi aini den buku fu u taki a gei enke a foluku fu Gadu e libi aini wan paladeisi. Ma san na a paladeisi ya? Dati na a yeepi di Yehofa e yeepi a foluku fi en fu libi na a wan. A sani ya e soi kiin taki a den wawan e dini Gadu enke fa a wani. Den poi du a sani ya fu di Yesesi be kon dede gi u.—Maleyaki 3:18.
11. Sowtu gaandi wi abi aini a ten ya?
11 A bun di u kon sabi taki fanafu 1919, Yehofa gi sondu sama a okasi fu yeepi en sete a paladeisi di u de aini nownow. A gi den a okasi tu fu meke a kon moo bigi, anga fu taanga a biibi fu den sama di de aini. Yu e yeepi anga a wooko ya? Yu e teke en fu bigi taki Yehofa gi i a gaandi fu wooko makandaa anga en fu gafa en a goontapu ya?
YEHOFA E MEKE A OLIKANISÂSI FI EN KON MOO MOIN
12. Fa u du sabi taki a sani di sikiifi aini Yesaya 60:17 kon tuu? (Luku a fowtow na a bigin.)
12 Yesaya 60:17 (leisi) be taki tyaipi sani be o kengi aini a pisi fu a olikanisâsi fu Yehofa di de a goontapu ya. Den sama di á de langa aini waaleiti anga yonkuu Kelesten, a leisi namo den leisi fu den sani ya. Son leisi a yee namo den yee den sani ya fu taawan. Ma tyaipi baala anga sisa de di be abi a gaandi fu si anga den ain fa sani be e kengi aini a olikanisâsi fu Yehofa. Neen meke den e biibi taki Yehofa e koboloiki Yesesi, a Kownu fu u, fu tii a olikanisâsi fi en. Te wi e aliki den ondoofenitoli fu den baala anga sisa ya, da u biibi o moo taanga.
13. San u mu du, enke fa a sikiifi aini Psalm 48:12-14?
13 Ala diniman fu Yehofa mu taigi taawan fu a olikanisâsi fi en. A wan wonduu taki wi e libi bun anga makandaa aini a olikanisâsi, anga ala fa wi e libi aini a ogii goontapu fu Saatan! Anga piisii u mu taigi den „bakapikin” fu u fu a olikanisâsi fu Yehofa. Anga piisii u mu taigi den tu fa Yehofa e yeepi u fu libi na a wan a goontapu ya!—Leisi Psalm 48:12-14.
14, 15. San be kengi baka 1970? Fa den sani ya tyai wini gi a olikanisâsi?
14 A omen gaandi baala anga sisa aini u kemeente si fa a olikanisâsi fu Yehofa kon moo moin baka di sani be kengi. Den sabi ete taki fosi a wan baala namo be e teke fesi aini a kemeente enke kemeente dinali. Ma now a wantu owluman e teke fesi aini a kemeente. Den sabi tu taki a wan baala namo be e teke fesi na a beikantoo enke beikantoo dinali. Ma now a wantu baala e teke fesi a den beikantoo. Fosi a wan baala di be de enke peleisidenti aini a olikanisâsi be e tii a wooko fu Yehofa Kotoigi a hii goontapu, ma nownow a wantu baala abi a faantiwowtu de. Winsi fa taa sama be e yeepi den baala ya, tokuso a wan baala namo be e teke fesi aini
wan kemeente, a den beikantoo, anga a edekantoo. Baka 1970, neen den baala be kengi a fasi fa sani be e waka. Fanafu a ten de, a ná wan sama namo be e teke fesi, ma a wantu owluman be abi a faantiwowtu de.15 Saide den kengi ya tyai wini gi a olikanisâsi? Den baala kengi den sani ya fu di den be kon fusutan son toli aini Beibel moo bun. Pe fu wan sama namo teke fesi, a wantu owluman e teke fesi now aini den kemeente. Den baala anga sisa aini den kemeente e fende wini fu den bun manii di ala den owluman abi. Beibel taki den owluman ya a „man di abi spesuutu koni”, bika a Yehofa poti den a wooko.—Efeisesama 4:8; Odo 24:6.
Yehofa e gi sama na ala se fu goontapu a yeepi di den abi fanowdu (Luku paragraaf 16, 17)
16, 17. Sowtu sani di den baala kengi aini a ten ya, e bigi gi i? Taki fu saide.
16 Pakisei a fasi fa den baala kengi den buku fu u aini den yali di pasa. Wi e piisii fu gi sama den buku di den abi fanowdu aini a peleikiwooko. Pakisei tu fa wi e koboloiki nyun sani enke Internet fu paati a bun nyunsu. Wi e koboloiki a jw.org Website fu man yeepi moo ipi sama. Te wi e luku den sani di den baala kengi aini a olikanisâsi, da wi e si taki Yehofa e booko en ede anga sama. Wi e si taki a lobi den tu.
17 Ai bigi gi u tu taki a olikanisâsi kengi a fasi fa wi e holi komakandaa, bika now wi abi ten fu holi a Osufamii Anbegi. Wi abi ten tu fu sutudeli anga useefi. Wi e teke en fu bigi tu taki den kengi a fasi fa sani sete a den kelen-komakandaa anga den konkelesi. Ala yali wi e si taki den e kon moo bun. A Beibel leli di wi e fende a den sikoo di a olikanisâsi sete e bigi gi u tu. Wi e si kiin taki a Yehofa e tii a olikanisâsi fi en. Wi e si kiin taki neen na a
sama di e meke a paladeisi di u de aini nownow kon moo moin!SAN WI MU DU FU MEKE A PALADEISI DI U DE AINI NOWNOW KON MOO MOIN?
18, 19. San u mu du fu meke a paladeisi di u de aini nownow kon moo moin?
18 Yehofa gi ala u a gaandi fu meke a paladeisi di u de aini nownow kon moo moin. San u mu du fu meke a moo moin? Wi e du a sani de te wi e du ala san u man fu paati a bun nyunsu fu a Kownukondee anga taawan. Wi e du en tu te wi e yeepi moo sama fu toon disipel. Ala yuu te wi e yeepi wan sama fu toon wan diniman fu Gadu, wi e meke a paladeisi di u de aini kon moo bigi.—Yesaya 26:15; 54:2.
19 Wi e meke a paladeisi di u de aini kon moo moin tu, te wi e meke moiti fu abi den manii di wan Kelesten mu abi. A so taa sama e si a moin fu a olikanisâsi fu u. Gaanse leisi a ná a sabi di u sabi Beibel e meke sama e kon aini a olikanisâsi, ma na a fasi fa wi e tyai useefi. A den sani ya e meke den e kon koosube tu a Yehofa anga Yesesi.
I sa yeepi meke a paladeisi di u de aini kon moo bigi (Luku paragraaf 18, 19)
20. Fa u mu du u wooko enke, enke fa Odo 14:35 e soi?
20 Yehofa anga Yesesi musu e piisii te den e luku fa wi e libi na a wan aini a ten ya. A fasi fa wi e piisii nownow a wan pikin sani te i maiki en anga a piisii di wi o piisii te wi o wooko makandaa fu meke a goontapu ya toon wan tuutuu paladeisi. U mu e holi a sani di sikiifi aini Odo 14:35 a pakisei. A sikiifi ape taki: „Wan kownu e piisii anga wan futuboi di e du sani anga koni.” Meke u soi taki u koni. Meke u du ala san u man fu meke a paladeisi di u de aini nownow kon moo moin!