Yu e si enke libisama de a libi namo fu pee, wooko, toow, abi wan osufamii, efuso kon gaandi? (Yopu 14:1, 2). Beibel e soi taki koniman be e akisi denseefi a sani ya tu.​—Leisi Peleikiman 2:11.

Saide meke u de a libi? A fosi sani di u mu akisi useefi na: Fa u du kon a goontapu? Te sama e luku fa u fusutan anga u sikin meke a wan koni fasi, da omen fu den e kon si taki wan sama musu de di meke ala den sani ya. (Leisi Psalm 139:14.) Efu a sani ya tuu, da a sama de musu fu abi wan sani a pakisei di a be meke u! Te wi o meke moiti fu sabi san a be abi a pakisei, da u ná o si enke a fu soso u de ya.

Gadu be seigi a fosi man anga uman, neen a be gi den wan wooko di e gi den piisii. A be wani den meke pikin fuu a goontapu. Den be mu meke a goontapu toon wan paladeisi tu, da den libi fu teego.​—Leisi Genesesi 1:28, 31.

Fu di libisama be taangayesi Gadu, meke a sani di a be abi a pakisei á be pasa na a yuu di a be wani . Ma Gadu á gi abaa. A wani du a sani ete di a be abi a pakisei gi u. Beibel e soi u san a den sani di Gadu du fu fii den sama di e dini en anga den hii ati. Ai soi u tu taki goontapu o toon wan paladeisi enke fa Gadu wani! A sani ya e soi taki Gadu wani fi i si a libi enke fa a be de na a bigin! (Leisi Psalm 37:29.) Luku san Beibel e taki i mu du, efi i wani fende a libi di Gadu be abi a pakisei.