Akisi di Beibel e piki
Pina o kaba a goontapu wan dei?
Fa Gadu o puu pina a goontapu?—Mateyesi 6:9, 10.
A pina di sama e pina meke omen miliyun sama e dede fu angii ala yali. Taawan a siki e kii den. Winsi fa tyaipi sama abi wan bun libi aini omen kondee, tokuso a omen sama e pina bunbun pina. Beibel e soi taki ná a tide sama e pina.—Leisi Yohanisi 12:8.
Efu wan tiimakiti mu puu pina, da a mu man paati den gudu fu a goontapu fu ala sama sa fende san den abi fanowdu. A tiimakiti ya mu puu feti tu, bika feti e meke omen sama pina. Na a tiimakiti ya Gadu o meke tii a goontapu.—Leisi Daniyeli 2:44.
Sama poi puu pina?
Gadu poti en Manpikin Yesesi enke Kownu fu tii libisama (Psalm 2:4-8). Yesesi o fii den pootiman. A o puu ogii anga a pina di sama e pina taawan.—Leisi Psalm 72:8, 12-14.
Enke „Gaanman fu Freide”, Yesesi o meke sani waka bun a hii goontapu. A ten de ala sama a goontapu o tan aini den eigi osu. Den o wooko anga piisii. Boiti dati, den o abi nyanyan sai.—Leisi Yesaya 9:6, 7; 65:21-23.
