Akisi di beibel e piki
U poi sabi sama a Gadu?
Saide Gadu wani u sabi a tuu? Leisi Yohanisi 17:3
Gadu be e taki anga libisama aini a ten di pasa. Anga a kaakiti fi en di den e kai santa yeye a meke sama sikiifi a Beibel (2 Peitilisi 1:20, 21). Te wi e leisi Beibel wi o sabi sama a Gadu.—Leisi Yohanisi 17:17; 2 Timotiyesi 3:16.
Gadu sikiifi den sani di a wani u sabi aini a Beibel. A taigi u saide a meke libisama, san a o du gi u, anga fa a wani u libi (Toli 17:24-27). Yehofa Gadu wani u sabi en.—Leisi 1 Timotiyesi 2:3, 4.
Saide Gadu lobi den sama di lobi a tuu?
Yehofa na a Gadu di e taki a tuu. A sende en manpikin Yesesi kon fu leli libisama a tuu. Neen meke den sama di lobi a tuu, lobi Yesesi tu (Yohanisi 18:37). A den sama ya Gadu wani enke en foluku.—Leisi Yohanisi 4:23, 24.
Saatan Didibii meke omen sama á sabi sama a Gadu tuutuu, fu di ai lei gi Gadu (2 Korentesama 4:3, 4). Den sama di lobi ogii lobi den lei ya (Romesama 1:25). Ma a omen miliyun sama kon sabi sama a Gadu tuutuu di den sutudeli Beibel.—Leisi Toli 17:11.
You May Also Like
SPECIAL CAMPAIGN
Saide a bun fu sutudeli Beibel?
A Beibel e yeepi somen sama a hii goontapu fu piki a akisi ya. Yu á wani de wan fu den sama ya tu noh?
