Ka nje te̱ je̱nno̱ o pond’a bila ba Ukre̱n, jita la badiedi ba bebasi di tute̱le̱ bato o sue̱le̱ bila. Jombwe ne̱ni ba sue̱le̱no̱ sonj’a bila ya bekombo bebane̱:

•   “Sonj’asu ya bila yena ye o lingeye̱ ekomb’abu Ukre̱n i dongame̱n o kusa edube̱ na masoma. . . . Di masue̱le bińo̱ na mulema me̱se̱, name̱ne̱ pe̱ na mika masu ma ńongońo̱ngo̱.”—(Byala ba mudied’a ebasi mō̱ nunde̱ne̱ ńa mundi ma Kiev, bena be busi o Ńuspepa ńa Jerusalem Post, o 16 ma So̱ṅe̱, 2022.

•   “Mudied’a ebas’a O̱rtodo̱x ya Rusland a tombise̱ ndongame̱n Eti ni tombi ońola sonj’a bila ya Rusland, ome̱le̱ babo̱ ná bane ońola ekomb’abu ‘ka bato b’ekombo a Rusland ba mbale̱,’ niponda sonj’a bila ya Mosku yeno̱ walane̱ bila o Ukre̱n oboso.”—Reuters, 3 Dibaba, 2022.

 Mo̱ kriste̱n yangame̱n no̱ngo̱ dongo o bila e? Nje Bibe̱l e makwalano̱ e?

 Bibe̱l ńa lee̱ ná bokwedi ba Yesu ba mbale̱, ba si mano̱ngo̱ dongo o bila.

•   “Timbise̱ po̱ ango̱ o dibambu, ebanja be̱se̱ ba mano̱nge̱ po̱ ba mawo̱ nde na po̱.”—Mateo 26:52.

   Mo̱ moto ńena nu masue̱le̱ to̱ nu mano̱nge̱ dongo o bila a mabupe̱ byala ba Yesu na mbale̱ e?

•   “Na mabola bińo̱ mbend’a peńa na: Bińo̱ to̱ndo̱ne̱ mō̱ na nune̱, kana na tano̱ na to̱ndo̱ bińo̱, bińo̱ pe̱ to̱ndo̱ne̱ mō̱ na nune̱. Nika nde be̱se̱ ba me̱nde̱no̱ jemba ná le bokwedi bam, yete̱na lo be̱n ndolo mō̱ na nune̱.”—Yohane 13:34, 35.

   Mo̱ moto ńena nu masue̱le̱ bila a malee̱le̱ ni ńai a ndolo Yesu a kwalino̱ ná bokwedi bao ba me̱nde̱ be̱ne̱ e?

 O mapula te̱ bata bia, langa mulopo m’ekwali «Peut-​on concilier guerre et christianisme? »

 Mo̱ e te̱nge̱n ná kriste̱n i si no̱ngo̱ dongo o bila we̱nge̱ ? E. Bibe̱l, e bīse̱ ná o nin pond’asu, ni belabe̱ ná “mińa misukan,” bupisane̱ belēdi ba Yesu, bato ba matumba me̱se̱ ba si me̱nde̱ pe̱ ‘jokwa bila’.—Yesaya 2:2, 4.

•   Ná o bate bia, langa milopo m’ekwali mi mabupane̱le̱ mi be̱n tema ná « La guerre : qu’en pense Dieu ? ,» mi busi o Njongo a Betatedi.

 Son a ponda Yehova, a “Loba la musango,” a me̱nde̱ bolane̱ janea lao le o mo̱ń o sunga bato “na mabandan na matusan.”—Filipi 4:9; Myenge 72:14.

•   Ná o bie ne̱ni a me̱nde̱no̱ bola nika, ombwa sinima Janea la Loba le nde nje e?