“Maboa ma mo̱nge̱le̱ ma matakise̱ beso̱mbe̱ o nin we̱nge̱ buka o mińa mi tombi—njo̱m a mom po̱ ńe nde milongwa ma bekwali.”—Dr. Vivek Murthy, do̱kita di madome̱ bato o Amerika, New York Times, 17 má Eso̱pe̱so̱pe̱, 2024.

 Ne̱ni bayedi beno̱ ná ba tata bana babu na malambi ma milongwa ma bekwali e? Bibe̱l e mabola malea ma bwam.

 Jombweye ben bete̱sedi ba Bibe̱l.

 “Ńajangwa a mame̱me̱ matanga mao.”—Minia 14:15.

 Milongwa ma bekwali me ná mi be̱ne̱ ngińa omo̱ń a mun’ango̱; o titi so̱ eto̱m o jemea ná a bolane̱ mo̱. Obiana o memea na mun’ango̱ a bolane̱ milongwa ma bekwali, bakise̱ ná a moua ńai eno̱ ná a bupe̱ bediedi bo̱ngo̱ jombwea ponda ininga a matombise̱no̱ oten, po̱so̱ la mako̱m ma bwam, na samba la mambo ma s’angame̱n.

•   Ońola beteledi ba m’bata, langa milopo m’ekwali “Mon enfant devrait-il utiliser les réseaux sociaux ?” na “Protégez votre adolescent des dangers des réseaux sociaux.”

 “Bolane̱ ponda bwam.”—Efeso 5:16.

 Wemedi te̱ ná mun’ango̱ a bolane̱ milongwa ma bekwali, bola mo̱ bediedi, nde o tele̱ye̱ pe̱ mo̱ ne̱ni be me̱nde̱no̱ tata mo̱. Be̱ epe̱ńe̱ o maka to̱ njika mawengisan o bedangwedi ba mun’ango̱ me ná ma tute̱le̱ wa o wutise̱ ponda a matombise̱no̱ o milongwa ma bekwali.

•   Bolane̱ maduta o ebambu Bolane̱ milongwa ma bekwali o internet na dibie̱ o jongwane̱ mun’ango̱ o so̱ṅtane̱ ońola nje yeno̱ mweńa ná o te̱se̱ye̱ mo̱ myekan.

 Bibe̱l e malangwea biso̱ ná je nde o “pond’a bobe.” (2 Timoteo 3:1-5) Nde e mabola pe̱ biso̱ malea ma bwam ma mongwane̱ biso̱. O be̱n buka 20 ma milopo m’ekwali mi se̱medi o Bibe̱l jombwea bayedi na bana babu o mun mulopo m’ekwali sur la santé mentale des ados.