Bato ba mabwa ndutu jita ke̱ ba bena ba malangabe̱ ka bato beno̱ ná ba lakisane̱ ba so̱lise̱ babo̱. Bato jita ba si lakisane̱ pe̱ . . .

•   badiedi ba politik bena ba mombweye̱ nde bwam ba babo̱me̱ne̱ o mulopo ma jombwea bato ba madie̱le̱no̱.

•   belongisan ba mibia bena be si mabole̱ mibia o mbadi ni te̱nge̱n ńe pe̱ ná te̱ite̱i.

•   bato ba mabie̱ na ba muwaso bena ba si mombweye̱ bwam ba bato be̱se̱.

•   badiedi ba bebasi bena ba maso̱lise̱ babo̱me̱ne̱ o politik o mulopo ma kwalea ońola Loba.

 Nika ńe nde lambo di te̱nge̱n ná bato ba no̱nge jangame̱ye̱ na nja ba malakisane̱no̱. Bibe̱l e makwala ná:

•   “Lo si lakisane̱ banedi, to̱ mun’a moto ńena a titi ná a bola jongwane̱.”​—Myenge 146:3, Betiledi ba Bosangi.

  Bibe̱l e malee̱ ná moto mō̱ e ńena jeno̱ ná di lakisane̱; nu moto e nde Yesu Kristo. A titi buka te̱ mot’a bwam ńena nu ta longe̱ o wase yā bebwea ba mimbu we̱nge̱. Loba a te̱se̱ pe̱ mo̱ “kiṅe̱ . . .  janea lao di si me̱nde̱ be̱ne̱ su.” (Lukas 1:32, 33) Yesu e nde Kiṅ’a Janea la Loba, di janea di mábotea pe̱ o die̱le̱ la mo̱ń.​—Mateo 6:10.

•   Ná o bie ońola nje weno̱ ná o lakisane̱ Yesu, langa min milopo m’ekwali “Nja ńe Kiṅ’a Janea la Loba e?” na “Nje Janea la Loba di me̱nde̱no̱ bola e?”