Buńa ba Done̱su 24 ma Ngo̱nde̱ 2023 bo ta nde buńa bwena bo londe̱ mbu mō̱ botea ná bila be botedino̱ o Ukre̱n. Bupisane̱ milangi mō̱, lambo ka 300 000 ba sonj’a Ukre̱n na ba sonj’a Rusia be bwabe̱, to̱ be kusi bebango bende̱ne̱; lambo ka 30 000 la bato bape̱pe̱ pe̱ ba bwabe̱ o be bila. Nde e me̱ne̱n ná muso̱ngi ma mbale̱ mu buki nika.

 Nde, to̱ lambo di si malee̱ pe̱ to̱ ná be bila be mala bo̱ son a ponda.

•   “Be̱be̱ na mbu mō̱ mun sonj’a Rusia yingedino̱ na ngińa o Ukre̱n, nde to̱ lambo di si malee̱ pe̱ to̱ ná be bila be mala bo̱ son a ponda. To̱ lambo di si malee̱ ná bwē nja nu me̱nde̱ buke̱, to̱ ná be bekombo beba be me̱nde̱ so̱ mwano ma koma musango.”—NPR (National Public Radio), 19 ma Ngo̱nde̱ 2023.

 E te̱nge̱n ná bato jita ba bwe ndutu, ke̱ ba me̱ne̱ take na ndenge̱ be bila na bepe̱pe̱ be mawaneano̱ bato ba si be̱n njo̱m o wase ńe̱se̱. Njika dipita Bibe̱l e mabolano̱ e? Mo̱ bila be me̱nde̱ be̱ne̱ su buńa bō̱ e?

 Bibe̱l e makwalea ońola bila bō̱; be bila be si me̱nde̱ bumbise̱ mbel’a moto, be me̱nde̱ nde sunga mo̱. Be bila be mabelabe̱ ná Armagedon, be pe̱ nde “bwemba ba buńa bonde̱ne̱ ba Loba la ngum.” (Bebīsedi 16:14, 16) Loba a me̱nde̱ bolane̱ be bila o we̱le̱ su o byanedi ba bato ba benama, bena be wan be bila be̱se̱ bena be bumbise̱ ninka jita la bato. Ná o bie ne̱ni Armagedon e me̱nde̱no̱ wana musango ma bwindea, langa min milopo m’ekwali:

•   “Qu’est-ce que la bataille d’Armaguédon?”

•   “Armagedon ńe nde mwe̱ndi ma bwam!”