Eyal’a Loba e mabola biso̱ nje ye̱se̱ e mapule̱ ná di be̱ ńai ni dongame̱n o lembe̱ mitakisan di be̱nno̱ o min mińa misukan. (2Ti 3:1, 16, 17) Nde ponda iwo̱ ye ná e pula biso̱ jongwane̱ ná di so̱ bete̱sedi ba Bibe̱l jeno̱ ná di we̱le̱ o ebolo o bete̱medi bō̱. K’eyembilan, mo̱ we nde sango to̱ ńango a bana ńe o wase̱ malea ma ne̱ni bongwa bana e? Mo̱ we nde eso̱mbe̱ ye o lembe̱ mikekisan ońola dube̱ lo̱ngo̱ e? Nga we nde mukusa mwe o bwe̱ ndutu ońolana mom’ango̱ to̱ munj’ango̱ a wedi e? O me̱nde̱ so̱ mambo o jw.org ma me̱nde̱ jongwane̱ wa o bia bete̱sedi ba Bibe̱l weno̱ ná o we̱le̱ o ebolo o ben bete̱medi na bepe̱pe̱.—Min 2:3-6.

O dipapa la byingedi la jw.org, do̱mse̱le̱ BELĒDI BA BIBE̱L. (Ombwa duta 1.) O list ńa tema ni matelame̱, po̱so̱ tema o mapulano̱. We pe̱ ná o do̱mse̱le̱ KO̱BAT’A KALATI > MILOPO M’EKWALI MI MABUPANE̱LE̱, nde o po̱so̱ tema o mapulano̱. (Ombwa duta 2.) We ná o so̱ milemlem ma tema o JW Library^®. * We ná o so̱ tema o mapulano̱ yete̱na o wasi o be bepolo bebane̱. Mbadi nipe̱pe̱ ńa wasa tema ńe nde bolane̱ la epolo ońola muwaso o jw.org.

Tila tema i mabupe̱ o epolo ońola muwaso o jw.org, o make pe̱ milopo m’ekwali o me̱nde̱no̱ to̱ndo̱ langa.

• Dibongo la bana

• Diboa la mo̱nge̱le̱ la beso̱mbe̱

• Kwed’a mome to̱ muto