Mo̱ o mabwa muńe̱nge̱ o bolane̱ sinima na myuedi mi mabaise̱ ná moto a bole jo̱nge̱le̱ lao be o kalati Be̱ne̱ longe̱ le bonam o bwindea! e? Mo̱ o to̱ndi pe̱ mongo “Bato ba makwala ná,” “Bola din” na “Bata Wasa” e? Njika mambo mape̱pe̱ me ná mongwane̱ wa ke̱ o matombise̱ jokwa la Bibe̱l e?—Mt 28:19, 20.

Kalati na sinima: Yete̱na o po̱si nde o bolane̱ kalati ńa mapapa o tombise̱ jokwa la Bibe̱l, ne̱ni weno̱ ná we̱ne̱ sinima ye̱se̱ na bekwali bepe̱pe̱ ba dibe̱le̱ le̱se̱ o epolo ewo̱ e? O kalati ńe o musinga, po̱so̱ dibe̱le̱ diwo̱ la ma mane̱i. Owas’a list a tem’a mokwa, we ná o do̱mse̱le̱ o bo̱tin a kalati na sinima ye̱se̱ ya di dibe̱le̱. (Ombwa duta 1.)

Tele̱ la “Mode Image”: Yete̱na we o tombise̱ jokwa na telefon to̱ tafe̱l, bolane̱ la “Mode Image” le ná longwane̱ wa. We te̱ o jokwa diwo̱, do̱mse̱le̱ mato̱ti malalo me omo̱ń a dipapa o su la mom, nde o po̱se “Mode Image.” Nika ńe ná ńongwane̱ wa ná o si dimbea mulatako mwe oteten a mongo me̱se̱ na tem’a di jokwa. Ná o timbe wuma o tano̱, do̱mse̱le̱ pe̱te̱ ma mato̱ti malalo me omo̱ń a dipapa o su la mom nde o po̱se “Mode Texte;” we pe̱ ná o do̱mse̱le̱ to̱ti la viole̱t le owas’a dipapa o su la mom.

“Mo̱ ne be̱be̱ e?”: Ben bedinge̱le̱ be o su la kalati be malee̱ nje e mapule̱ ná moto a be̱ ka ni dongame̱n o te̱ dikalo na mwemba na o dubisabe̱. (Ombwa duta 2.)

Maki: Maki ma mabola beteledi jombwea mato̱ti mō̱ ma mweńa. Kalati ńe o musinga e be̱n jatingane̱ o su la maki te̱, lena di me̱nde̱ timbane̱ wa wum’a jokwa o tano̱. (Ombwa duta 2.)