Dipapa la byingedi la mulomba masu di be̱n milopo m’ekwali na sinima yena e longabe̱ nde o bwam ba tapa bato bena ba titi Mboṅ a Yehova ba be̱n pe̱ milema mi sibi. (Bebolo 13:48) Di dipapa di yo̱ki kwalea ońola bekwali bena be o mibia to̱ bena bato ba makwaleano̱.

Ne̱ni weno̱ ná o bolane̱ dipapa la byingedi la JW.ORG o ebol’ango̱ ya dikalo e?

• Ombwa mulomba ponda ye̱se̱. Maka bekwali be owas’a mulopo “O si suba nje ye owan,” we̱ne̱ pe̱ ne̱ni weno̱ ná o bolane̱ mo̱ o jongwane̱ moto nu lee̱le̱ ńo̱ngi. (Ná o so̱ milopo m’ekwali mipe̱pe̱ mi ta mi we̱le̱be̱ o dipapa la byingedi, domse̱le̱ o “Ombwa pe̱ owan.”) Bia la nje e we̱le̱be̱ peńa o mulomba masu di mongwane̱ wa o be̱ne̱ mambo ma peńa o kwalea o ebol’ango̱ ya dikalo.

• Bolane̱ milopo m’ekwali na sinima ba kikino̱ o dipapa la byingedi o botea ekwali. Be bekwali na yi sinima be ná ba bola ná di bie nje bato o mōnda ma dikalo ba mo̱nge̱le̱no̱ yen ebe.

• Lee̱ bato dipapa la byingedi. Kika milopo m’ekwali ma tobotobo, o lee̱ moto ne̱ni eno̱ ná a so̱ belēdi o mulomba.

• Camane̱ jatingane̱. Bato bō̱ ba si mapula kwala na biso̱ boso na boso, nde be be̱be̱ o pe̱pe̱le̱ mulomba masu. Di si suba so̱ o lomea moto jatingane̱ la dipapa la byingedi la mulomba masu to̱ jatingane̱ la mulopo m’ekwali mō̱ to̱ sinima po̱ ńa tobotobo.