LONGE̱ LA KRISTE̱N
Batatedi bena ba mabole̱ ebolo ońola bwam ba baboledi ba Yehova
Bato jita ba si lakisane̱ ba bena ba be̱n doi la byanedi. Je ná di so̱ṅtane̱ ońola nje. O myango ma mbel’a moto, jita la bato ba si bolane̱ doi labu la byanedi o mbad’a bwam. (Mik 7:3) E se̱ muńe̱nge̱ jeno̱ ná batudu o mwemba ba longabe̱ o bolane̱ doi labu la byanedi ońola bwam ba baboledi ba Yehova.—Es 10:3; Mt 20:25, 26.
O diwengisan na ba bena ba be̱n doi la byanedi o nin wase, ndolo ońola Yehova na ońola baboledi bao nde e matute̱le̱ batudu o pula be̱ bombwedi. (Yoh 21:16; 1Pe 5:1-3) Owas’a bediedi ba Yesu, ba batudu ba mongwane̱ mute̱ dikalo te̱ o je̱ne̱ ná e nde elong’a mbia ma Yehova na o benga sisea Yehova be̱be̱. Be be̱be̱ o wanea mido̱ngi ma Yehova jongwane̱ la mudī, bongwane̱ pe̱ o ponda jingea la do̱kita l’epańpań to̱ o pond’a mbeu a ńolo. O be̱n te̱ ńo̱ng’a jongwane̱, o si suba bele̱ mutudu mō̱ ńa mwemba mo̱ngo̱. —Yak 5:14.
OMBWA SINIMA BATUDU BENA BA MOMBWEYE̱ DIMBEMBA, DENGE̱ O MALABE̱ MYUEDI MI MABUPE̱:
-
Njika tombwane̱ Mariana a busane̱no̱ o jongwane̱ batudu ba wanedino̱ mo̱ e?
-
Njika tombwane̱ Elias a busane̱no̱ o jongwane̱ batudu ba wanedino̱ mo̱ e?
-
Ne̱ni min myango mi mongwane̱no̱ wa o bata so̱ṅtane̱ ebolo batudu ba be̱nno̱ e?
