O kwasu, 11 má Dibaba, jita la Kriste̱n i mátemame̱ i me̱nde̱ jukea o Jo̱nge̱le̱ la kwed’a Yesu. I botedi o ńa mīla ma pembisan a longe̱, nde i bo̱bo̱ ońola njo̱m jita, yena iwo̱ i kwalabe̱ o mun’a kalati Timba na Yehova. (Bon 12:1) Nde to̱ na nika, ba bena ba temam be te̱ nde tiki o miso̱ ma Yehova, ńena nu ko̱ti babo̱ na maya ma Mun’ao. (Beb 20:28; 1Pe 1:18, 19) Ne̱ni jeno̱ ná jongwane̱ babo̱ o timba o mwemba e?

Batudu o mwemba ba mawasa Kriste̱n i temam na jongwane̱ pe̱ babo̱ ka nje te̱ mutated’a byembe a mapulise̱no̱ na iwiye̱ mudo̱ngi mu pawe̱ na dibemba. (Lk 15:4-7) Nika e malee̱le̱ nde ne̱ni Yehova a mombweano̱ biso̱ na ndolo. (Yer 23:3, 4) Biso̱ be̱se̱, seto̱ buka te̱ batudu, je ná jembe̱ i ńai a bato. Miwe̱n masu ma lee̱le̱ babo̱ muyao na ndol’a bonasango mi do̱lisan Yehova, me pe̱ ná mi wana tombwane̱. (Min 19:17; Beb 20:35) Ońola nika, dutea nja weno̱ ná wembe̱, bola pe̱ nika esibe̱ jindea!

OMBWA SINIMA EMBE̱ BA BA TEMAM, NDE WOMBWEYE MYUEDI MI BUPE̱:

• Nje Abey a bolino̱ ponda a dongame̱nno̱ Mboṅ a Yehova a si tano̱ a bia e?

• Ońola nje jangame̱nno̱ sisea batudu o mbasan yete̱na je o pula jongwane̱ moto nu temam e?

• Ne̱ni Abey a boṅsanno̱ o pe̱pe̱le̱ Lora ngedi ni londe̱ iba e?

• Ne̱ni Abey a lee̱le̱no̱ titimbe̱, we̱lisane̱, na ndolo ke̱ e o we̱ ná embe̱ Lora e?

• Nje di mokwano̱ n’eyembilan a Yesu ye o Lukas 15:8-10 e?

• Miwe̱n ma be̱se̱ o jongwane̱ Lora mi wan nde njika minam e?