Paulo na Silas ba ta ba lo̱ngo̱ myenge o sesa Loba ke̱ be o beboa. (Bebolo 16:25) O min mińa masu, bonasango ba lo̱ngi myenge ma Janea ke̱ be o ndabo a beboa ńa Nasi ńa Saksenhausen o Jaman, na ke̱ be o mbumwa o Siberia. Ben byembilan be malee̱le̱ ngińa myenge mi be̱nno̱ o bola Kriste̱n ńe oteten a mitakisan ngiń’a mulema.

Jita la leme̱ lena lo bati lo me̱nde̱ kusa son a ponda kalat’a myenge ńa peńa ni be̱n tema ná “Lo̱ngea” Yehova “na muńe̱nge̱.” Dibokime̱ne̱ di makusano̱ kalati, di boteye jokwa lo̱ngo̱ myenge o jowe̱ lasu la ndabo a mbia ná di kike byala bao o mulema. (Efe 5:19) Denge̱ mudī-musangi mu me̱nde̱ jongwane̱ biso̱ o jo̱nge̱le̱ mo̱ ke̱ mitakisan mi po̱i. Myenge ma Janea me ná mongwane̱ biso̱ o te̱se̱ mulema masu o dipita di be̱nno̱. Me ná mi bola biso̱ ngińa ke̱ je oteten a mitakisan. O ponda pe̱ jeno̱ muńe̱nge̱, byala bao bena be membe̱ mudī be mabola ná di we̱le̱ ‘lo̱ngo̱ na muńe̱nge̱’ ońola mutam mwe biso̱ o mulema. (1Mya 15:16; Mye 33:1-3) Di bole me̱se̱ na me̱se̱ ná di bolane̱ myenge masu ma Janea bwam!

OMBWA SINIMA MWENGE MWENA MU BOLI BABOLEDI NGIŃ’A MULEMA, DENGE̱ O MALABE̱ MIN MYUEDI MI BUPE̱:

• Njika bete̱medi be tute̱le̱ munasango Frost o lule̱ mwenge e?

• Ne̱ni mwenge mu bolino̱ bonasango ngiń’a mulema o ndabo a beboa ńa Saksenhausen e?

• O njika bete̱medi ba buńa te̱ myenge ma Janea meno̱ ná mi bola wa ngiń’a mulema e?

• Njika myenge ma Janea weno̱ ná o to̱ndo̱ ne̱nge̱ o mulema e?