LONGE̱ LA KRISTE̱N
Te̱ la dikalo na jokwe̱le̱—Be mweńa o timbise̱ bato bokwedi
Yesu anedi bokwedi bao ná bale, ba timbise̱ bato bokwedi. (Mt 28:19) Nika e bambe̱ te̱ la dikalo na jokwe̱le̱. Ponda na ponda te̱, biso̱ be̱se̱ jangame̱n baise̱ na biso̱me̱ne̱ ná ‘Ne̱ni neno̱ ná na bata ńaka o be bebolo ba mweńa ni ponda neno̱ o ebol’a timbise̱ bato bokwedi e?’
TE̱ LA DIKALO
O mulopo ma jenge̱le̱ ná bato nde ba siseye biso̱ be̱be̱, jangame̱n nde o wasa na iwiye̱ ba bena ba “dongame̱n.” (Mt 10:11) Mo̱ je te̱ o dikalo, di le̱le̱m o kwalisane̱ bato di ‘madongame̱nno̱’ e? (Bbol 17:17) Ka ńe jangwa ńamuloloma Paulo a lee̱le̱no̱ o dikalo nde ńongwane̱ Lidia o timba mokwedi.—Bbol 16:13-15.
“Myase̱le̱ mbolako ango̱ idiba, o s’ese̱le̱ pe̱ to̱ dia lo̱ngo̱ di wumse̱ ebiamu” (Mul 11:6)
OMBWA SINIMA BENGA TE̱ DIKALO ‘ESIBE̱ JESE̱LE̱’—LA M’BE̱NGU NA LA JO̱MBE̱ NA JO̱MBE̱, DENGE̱ O MALABE̱ MIN MYUEDI:
-
O ebol’ao ya buńa te̱, ne̱ni Samuel a lee̱le̱no̱ na iwiye̱ ná a mawasa de̱ mbolako a mbale̱ e?
-
Ońola nje jangame̱nno̱ be̱ titimbe̱ o mbadi ye̱se̱ ya te̱ dikalo e?
-
Nja weno̱ ná o kwalisane̱ mwe̱ndi ma Janea o ebol’ango̱ ya buńa te̱ e?
JOKWE̱LE̱
Ná di timbise̱ bato bokwedi, di s’angame̱n buka te̱ die̱le̱ babo̱ kalati. Ná jongwane̱ babo̱ o ńaka o mbad’a mudī, jangame̱n o pe̱pe̱le̱ babo̱ na tombise̱ pe̱ mokwa ma Bibe̱l. (1Ko 3:6-9) Nde nje bola yete̱ná miwe̱n masu o jokwe̱le̱ moto mbal’a Janea mi si mawe̱le̱ ya bepuma ndongo e? (Mt 13:19-22) Jangame̱n nde benga wasa ba bena ba be̱n milema me ka “mińangadu ma bwam.”—Mt 13:23; Bbol 13:48.
“Mba na de̱, Apolo pe̱ a kom madiba; nde Loba nde a boli bońaki” (1Ko 3:6)
OMBWA SINIMA BENGA TE̱ DIKALO ‘ESIBE̱ JESE̱LE̱’—LA MPOMA, NDE O TIMBISE̱ PE̱ BATO BOKWEDI, DENGE̱ O MALABE̱ MIN MYUEDI:
-
Ne̱ni Salomo na Maria ba komno̱ madiba o mbolako a mbale̱ ni de̱be̱ o milema ma Hesekiel na Abigail e?
-
Nje yangame̱n be̱ mpuli masu ke̱ di mabolane̱ mbadi ye̱se̱ ya te̱ dikalo, nikame̱ne̱ pe̱ na dikalo la mpoma e?
-
Ne̱ni jeno̱ ná di bata no̱ngo̱ jokwe̱le̱ la bane̱ mbale̱ mweńa e?
