Yakob an ewe̱nji na ange̱l ná a kuse lambo di ta mo̱ mweńa jita, minam ma Yehova. (Bbot 32:24-31; Hos 12:3, 4) Biso̱ pe̱ e? Mo̱ je be̱be̱ o benga po̱ngo̱ miwe̱n o be̱ Yehova jemea ná di kusane̱ mo̱ minam e? K’eyembilan nje di me̱nde̱no̱ po̱so̱ oteten a jukea o ndongame̱n na walane̱ ebol’a musawedi oboso ombusa haw’ebolo e? Di boli te̱ Yehova pond’asu, ngud’asu, na mabe̱ne̱ masu, a me̱nde̱ komea biso̱ “bonam . . . njoasoa.” (Mal 3:10) A me̱nde̱ die̱le̱ na tata biso̱, a londe̱ pe̱ ńo̱ng’asu.​—Mt 6:33; Bon 13:5.

OMBWA SINIMA BENGA BUPE̱ MAMBO MA MUDĪ, DENGE̱ O MALABE̱ MIN MYUEDI:

• Ne̱ni munańango mō̱ a kekisabe̱no̱ na lambo a tano̱ a to̱ndo̱ e?

• Ne̱ni ebol’asu yeno̱ ná e be̱ biso̱ lambi e?

• Ońola nje Timoteo a tano̱ angame̱n benga bupe̱ mambo ma mudī to̱ná a tano̱ nde kriste̱n ńou e?​—1Ti 4:16

• Ne̱ni di malee̱no̱ ná ebol’asu ya kriste̱n nde e be̱n epol’a boso o longe̱ lasu e?