Je nde o wase ni malee̱ ná bwam nde bwe bobe, bobe pe̱ bwam. (Yes 5:20) Nik’e mabola ná bato bō̱ ba mabola mambo Yehova a singe̱no̱, beboledi be s’angame̱n oteten a bome na bome na bito na bito pe̱ be oten. Mako̱m m’esukulu to̱ bato bape̱pe̱ be ná ba keka lo̱ndo̱ beso̱mbe̱ basu ná bembilane̱ babo̱. Nde ne̱ni weno̱ ná o boṅsane̱ bana bo̱ngo̱ o lembe̱ di kekise̱ na mape̱pe̱ me mo̱ bowan e?

Bola ná bana bo̱ngo̱ ba be̱ne̱ so̱ṅtane̱ la bete̱sedi ba Yehova. (Lev 18:3) Bupisane̱ mimbu mabu, lee̱ babo̱ son na son nje Bibe̱l e makwalano̱ ońola bolane̱ la bwam la belongi ba yadi. (Ndi 6:7) Baise̱ wame̱ne̱ ná: ‘Mo̱ na lee̱ bana bam nje ye leane̱le̱ la ndolo o ka ni te̱nge̱n, mweńa ma bo̱to̱ mbo̱ti yangame̱n, na ońola nje yeno̱ mweńa ná bane̱ ba bole musamba mabu edube e? Mo̱ bana bam ba bi nje bola yete̱na moto a puli lee̱ babo̱ bedinge̱dinge̱ ba ńakaka to̱ ke̱ a puli ná ba bole nje ye bobe o miso̱ ma Yehova e?’ Ba pomane̱ te̱ be̱ne̱ di so̱ṅtane̱, nik’e mongwane̱ babo̱ o se̱mbe̱ mbeu a ńolo. (Min 27:12; Mul 7:12) Wokwe̱le̱ te bana bo̱ngo̱, o malee̱le̱ nde ndolo ońola di sango la tiki Yehova a bolino̱ wa.​—Mye 127:3.

OMBWA SINIMA LONGA NDABO NI ME̱NDE̱ JINDE̱​—TATA BANA BO̱NGO̱ NA “NJE YE BOBE,”  DENGE̱ O MALABE̱ MIN MYUEDI:

• Ońola nje bō̱ ba mabwano̱ iso̱n o kwalea ońola belongi ba yadi na bana babu e?

• Ońola nje bayedi bangame̱nno̱ bongwa bana babu o “bo̱ngo̱ na o malea” ma Yehova e?​—Efe 6:4

• Nje bebokedi ba Yehova be busise̱no̱ o jongwane̱ bayedi o kwala na bana babu ońola belongi ba yadi e?​—w19.05 12, edinge̱le̱

• Ońola nje wangame̱nno̱ kwala na bana bo̱ngo̱ ponda ye̱se̱ obiana ba makusa lambo la bobe e?