Mo̱ we ná o to̱ndo̱ bata bolea Yehova o pond’a Jo̱nge̱le̱ la kwed’a Yesu e? (2Ko 5:14, 15) O myo̱di ma So̱ṅe̱ na Dibaba, bate̱ dikalo be ná ba po̱so̱ be̱ paonia y’epas’a ponda ońola 30 to̱ 50 ma hawa. We te̱ ná o no̱ngo̱ dongo o y’ebol’a tobotobo, londise̱ dipapa o bole mo̱ dibe̱le̱ l’ebolo la mwemba. Mo̱di te̱, mina ma bato bena be paonia ma me̱nde̱ langabe̱ o pond’a mibia. Nika e mabola ná mwemba mu sue̱le̱ i paonia o ebol’abu ya dikalo. Biso̱ be̱se̱ di tombwane̱ so̱ o nin pond’a Jo̱nge̱le̱ la kwed’a Yesu, o bata po̱ngulane̱ mbad’asu ńa te̱ dikalo na o jembane̱le̱ mō̱ na nune̱.​—1Tes 5:11.