Kana Yehova a bokise̱no̱ Bonaisrael, a mabokise̱ pe̱ tumba lao we̱nge̱ ná di bole jemea lao. O wase ńe̱se̱, mikanjo m’ebolo, bebondo, myemba na mabo̱to̱ ba mabola ebolo mwemba ná myango ma bwam mi langwabe̱. Di mate̱ye̱ bato be̱se̱ dikalo, na ba ba mato̱pe̱ eyeme̱ epe̱pe̱.​—Bbī 14:6, 7.

Mo̱ o mádutea ná wokwe eyeme̱ epe̱pe̱ ná wongwane̱ moto o bia mbale̱ e? To̱ e be̱ nde ná o si be̱n ponda o jokwa eyeme̱ epe̱pe̱, we ná o bolane̱ JW Language o jokwa ne̱ni jinge̱le̱ ekwali. O bolane̱ te̱ mo̱ o dikalo, wa pe̱ o mabia muńe̱nge̱ mwena bonasango asu ba ebwe’a mbu yaboso ba bono̱ ponda bato ba wu o bekombo bepe̱pe̱ ba ńakino̱ o senga “bebolo bende̱ne̱ ba Loba” o leme̱ labu.​—Bbl 2:7-11.

OMBWA SINIMA TIMBA DIKO̱M LA YEHOVA​—TE̱ DIKALO NA EYEME̱ EPE̱PE̱, DENGE̱ O MALABE̱ MIN MYUEDI:

• Njika ponda weno̱ ná o bolane̱ JW Language e?

• Ne̱ni JW Language e madangwano̱ e?

• Njika leme̱ bato ba mato̱po̱no̱ o mōnda mo̱ngo̱ e?

• Moto nu mato̱pe̱ eyeme̱ epe̱pe̱ a lee̱le̱ te̱ ńo̱ngi o senga dikalo, nje wangame̱nno̱ bola e?​—od-F 100-101 § 39-41