Mo̱ ponda ye̱se̱ Yehova a bi nje ye bwam ońol’asu e? E! Di dube̱ te̱ nika, di malee̱ ná je dibie̱ ke̱ di bupe̱ bediedi bao. (Min 16:3, 9) Nde je ná di si lakisane̱ pe̱ bediedi bao ke̱ be diwengisan na mo̱nge̱le̱ masu. Je ná di bata lakisane̱ dibie̱ la Yehova ke̱ di madutea ońola bewekedi bao.—Min 30:24, 25; Ro 1:20.

OMBWA SINIMA MO̱ MA WEKABE̱ NDE E? NE̱NI SO̱NO̱ I MABOLANO̱ NÁ I SI DOMANE̱LE̱ O NGE’ABU E? DENGE̱ O MALABE̱ MYUEDI MI MABUPE̱:

• Njik’ebolo jita la so̱no̱ di be̱nno̱ buńa te̱ e?

• Ne̱ni so̱no̱ i mabolano̱ ná i si domane̱le̱ o nge’abu e?

• Njika bete̱sedi ba mbadi i madangwano̱ bato ba benama bangame̱nno̱ jembilane̱ e?

OMBWA SINIMA MO̱ MA WEKABE̱ NDE E? NDO̱MBI E MAPUMWA ESIBE̱ KO̱, DENGE̱ O MALABE̱ MYUEDI MI MABUPE̱:

• Njika mitakisan bato ba be̱nno̱ ke̱ ba maduane̱ avion isadi e?

• Ne̱ni ndo̱mbi e maboleano̱ ná e pumwe esibe̱ ko̱ e?

• Nje bato beno̱ ná ba bola yete̱na ba we̱li jembilane̱ dibie̱ Loba a bolino̱ ndo̱mbi e?

O wuma o majano̱, o njika bewekedi we̱nno̱ dibie̱ la Yehova e?