Eyal’a Loba ye ná e tukwa longe̱ lasu. (Bon 4:12) Nde ná di tombwane̱ bediedi bao na malea mao, jangame̱n be̱ mbaki ná ye nde “eyal’a Loba” na mbale̱. (1Tes 2:13) Ne̱ni jeno̱ ná jouse̱ dube̱ di be̱nedino̱ Bibe̱l e?

Langa Bibe̱l buńa te̱. O bolanga bo̱ngo̱, wasa mboṅ i mabamse̱ ná e wu nde na Yehova. K’eyembilan we te̱ langa kalat’a Minia, maka ne̱ni malea mao ma dibie̱ meno̱ ná mongwane̱ biso̱ nate̱na we̱nge̱.—Min 13:20; 14:30.

Te̱se̱ to̱ti o mapulano̱ jokwa. Wasa bia bwam mboṅ i malee̱ ná Bibe̱l e wu nde na Loba. O Mudied’a muwaso ońola Mboṅ a Yehova, owas’a tema “Bibe̱l” ala o to̱ti “E wu nde na mudī ma Loba.” We pe̱ ná wouse̱ dube̱ lo̱ngo̱ ná mwe̱ndi ma Bibe̱l mu si tuko, ke̱ wombwedi Appendice A3 ńa Traduction du monde nouveau.

OMBWA SINIMA OŃOLA NJE DI DUBE̱NO̱ . . . EYAL’A LOBA, DENGE̱ O MALABE̱ MYUEDI MI MABUPE̱:

• Ne̱ni mambo ma so̱be̱ o edim’a tempe̱l a Karnak o Egipto ma mabamse̱no̱ ná Eyal’a Loba ye mbale̱ e?

  textarea-1

• Ne̱ni di bino̱ ná mwe̱ndi ma Bibe̱l mu si tuko e?

  textarea-2

• Kana to̱ lambo di si we̱lino̱ jeka ná Bibe̱l e si be̱ pe̱, ne̱ni nik’e malee̱no̱ ná ńe nde Eyal’a Loba e?—Langa Yesaya 40:8

  textarea-3