O min mińa misukan, di be̱n mitakisan jita mena me ndutu o lembe̱. Ponda iwo̱ je ná jo̱nge̱le̱ ná mitakisan masu me ngińa ńai di titino̱ ná di lembe̱ mo̱. Nde di bengi te̱ sisea be̱be̱ na Yehova a me̱nde̱ jongwane̱ biso̱ o lembe̱, to̱ kekise̱ di kola nde ne̱ni. (Yes 43:2, 4) Neni jeno̱ ná di sisea be̱be̱ na Yehova ponda di be̱nno̱ mitakisan e?

Muka. Ponda di matele̱ye̱no̱ Yehova mulema masu, a mabola biso̱ musango ma teten na ngińa ná di we̱le̱ lembe̱.—Fil 4:6, 7; 1Tes 5:17.

Ndongame̱n. We̱nge̱ tobotobo, di be̱n ńo̱ng’a da la mudī na mundenge na bonasango, bena Yehova a mabolano̱ biso̱ tongwea na ndongame̱n. (Bon 10:24, 25) Ponda di maboṅsane̱no̱ ndongame̱n, jukea oten nde di bola pe̱ malabe̱, di matombwane̱ o mususu jongwane̱ la mudī ma Yehova.—Bbī 2:29.

Dikalo. E me̱nde̱ be̱ biso̱ lambo di bo̱bi ná jo̱nge̱le̱ nde mambo ma bwam yete̱na di mabola nje ye̱se̱ ye o ngud’asu ná di te̱ dikalo ponda ye̱se̱. Nik’e me̱nde̱ pe̱ bola ná jouse̱ diko̱m lasu na Yehova name̱ne̱ pe̱ na mako̱m masu m’ebolo.—1Ko 3:5-10.

OMBWA SINIMA YEHOVA A MAKASA WA, DENGE̱ O MALABE̱ MYUEDI MI MABUPE̱:

• Nje yongwane̱ Malu o benga ja be̱be̱ na Yehova o pond’a mitakisan mao e?

  textarea-1

• Kapo̱ ka Malu, ne̱ni byala be maso̱be̱ o Myenge 34:19 be malo̱ko̱no̱ biso̱ ponda di be̱nno̱ mitakisan e?

  textarea-2

• Ne̱ni myango ma Malu mi malee̱no̱ ná Yehova a mabola biso̱ “ngińa ni pakapakan” ponda di be̱nno̱ mitakisan e?—2Ko 4:7

  textarea-3