Di mapula bwese̱ Yehova muńe̱nge̱ o me̱se̱ di mabolano̱. (Min 27:11) Ná di bole nika, jangame̱n no̱ngo̱ bedomsedi be mulatako̱ na jo̱nge̱le̱ lao to̱ ponda di si be̱nno̱ mbenda ńe ná bwē o die̱le̱ biso̱. Nje ye ná yongwane̱ biso̱ o bola nika e?

Be̱ne̱ ko̱lo̱ngo̱ne̱ o jokwa Bibe̱l. Ponda te̱ di malangano̱ Bibe̱l, ye nde biana je nde tombise̱ ponda na Yehova. Je ná jokwa bia ne̱ni Yehova a me̱ne̱no̱ mambo yete̱na jombo nje a bolino̱ ońola baboledi bao, nde jombwea pe̱ byembilan ba ba bena ba boli nje ye bwam to̱ nje ye bobe o miso̱ mao. Ponda jangame̱nno̱ no̱ngo̱ bedomsedi, mudī musangi mu me̱nde̱ jo̱nge̱le̱ biso̱ belēdi na bete̱sedi ba mweńa jokono̱ o Eyal’a Loba.—Yoh 14:26.

Po̱ngo̱ muwaso. Ponda wangame̱nno̱ no̱ngo̱ bedomsedi baise̱ wame̱ne̱ ná: ‘Njika bepasi ba Bibe̱l to̱ myango be ná bongwane̱ mba o so̱ṅtane̱ nje Yehova a mo̱nge̱le̱no̱ jombwea di to̱ti e?’ Kane̱ Yehova ná ongwane̱ wa, o bolane̱ pe̱ belongisan ba muwaso ba bebokedi bena be o eyem’ango̱ ná o so̱ bete̱sedi ba Bibe̱l weno̱ ná o we̱le̱ o ebolo o bete̱medi weno̱.—Mye 25:4.

OMBWA SINIMA JANGAME̱N “ŃA MĪLA NA TITIMBE̱”—DA DA DI MABOLE̱ NGIŃA, DENGE̱ O MALABE̱ MYUEDI MI MABUPE̱:

• Njika mińakisan yen eso̱mb’a munańango e kusino̱ e?

  textarea-1

• Ne̱ni weno̱ ná o bolane̱ belongisan ba muwaso ná bongwane̱ wa o bia lembe̱ i ńai a mińakisan e?

  textarea-2

• Di no̱ngi te̱ ponda o po̱ngo̱ muwaso na ońola jokwa la biso̱me̱ne̱, ne̱ni nika ńeno̱ ná ńongwane̱ biso̱ o no̱ngo̱ bedomsedi ba bwam e?—Bon 5:13, 14

  textarea-3