OŃOLA NJE NIKA ŃENO̱ MWEŃA: Kalati te̱ ńe o Mukoba masu ma belongisan ba belēdi e maloma moto o jw.org. Ońola nika, janda laboso la dipapa la adre̱s na trakt We̱ni jeno̱ ná di so̱ malabe̱ ma mom ma myuedi ma longe̱ e? le nde o loma bato o mulomba masu. We ná o bola moto kalati ńe o Mukoba masu ma belongisan ba belēdi tongwea na bolane̱ jw.org, to̱ lomea mo̱ ni kalati o adre̱s ao. Nik’e mongwane̱ tobotobo yete̱na moto jeno̱ o te̱ye̱ dikalo a si mato̱po̱ eyem’a bwambo ewo̱ na biso̱. O mbat’a nika, moto e ná a baise̱ wa myuedi mi be̱n nde jalabe̱ o kalati ipe̱pe̱ yena i titi o Mukoba masu ma belongisan ba belēdi. Je ná di bata be̱ jangwa o dikalo yete̱na di mabolane̱ mulomba.

NE̱NI BOLA NIKA:

• Bolane̱ epol’a “BELĒDI BA BIBE̱L.” Dutea ná we o te̱ye̱ muyedi dikalo nu be̱n ńo̱ngi o bata be̱ne̱ beteledi jombwea dibongo la bana. Ala o BELĒDI BA BIBE̱L > DIBA NA LONGE̱ LA NDABO A MBIA.

• Bolane̱ epol’a “KALATI.” Dutea ná we o te̱ dikalo la m’bengu o esukulu, nde o pula jombwea kalati Réponses à 10 questions que se posent les jeunes na diko̱m lo̱ngo̱ l’esukulu. Ala o KALATI > KALATI INDE̱NE̱ NA ISADI.

• Bolane̱ epol’a “JOMBWEA BISO̱.” Dutea ná we o te̱ye̱ diko̱m l’ebolo dikalo di be̱n ńo̱ngi o langa beteledi ba dube̱ lasu o patape̱m. Ala o JOMBWEA BISO̱> MYUEDI MI KO̱LO̱NGO̱N BAISABE̱.

OMBWA SINIMA KO̱LO̱NGO̱NE̱ LA JW.ORG, DENGE̱ O MOMBWEA WE̱NI SO̱LO̱ O MULOMBA NÁ WONGWANE̱:

• moto nu makwale̱ ná Loba a titi

• moto ndutu e kweledino̱ epańpań

• munasango to̱ munańango nu temam

• moto di yo̱kino̱ pe̱pe̱le̱ nu mapule̱ bie̱ owe̱ni mo̱ni mu masue̱le̱ ebol’asu mu mawano̱

• mot’a ekombo epe̱pe̱ nu be̱n ńo̱ng’a jukea o ndongame̱n o ekombo ao