Yesu a boli longe̱ lao ońola bato ba titi ke̱nge̱nge̱. (Ro 5:8) Ye̱ke̱i te̱ di matimbise̱le̱ masoma ná Yesu a lee̱le̱ biso̱ ndolo a be̱ne̱nno̱ biso̱, ná a boli longe̱ lao ońol’asu. To̱ na nika, ponda iwo̱, yangame̱n ná jo̱nge̱le̱ biso̱me̱ne̱ ná Kristo a wedi pe̱ ońola munasango asu. Ne̱ni jeno̱ ná di lee̱le̱ bonasango na bonańango asu bena ba titi ke̱nge̱nge̱ kapo̱ ka biso̱ ndolo ka ni ńa Kristo e? Jombweye mbadi ilalo. Ńaboso, jangame̱n o tele̱ mulema masu na bwē o kasa ka mako̱m ńai na ńai a bato be diwengisan na biso̱. (Ro 15:7; 2Ko 6:12, 13) Ni londe̱ iba, di no̱nge jangame̱ye̱ ná di si kwala to̱ bola mambo me ná ma bwese̱ bane̱ ndutu. (Ro 14:13-15) O sukan, moto a wusane̱ te̱ biso̱, di le̱le̱me̱ o lakise̱ mo̱. (Lk 17:3, 4; 23:34) Di we̱ te̱ na ngińa o jembilane̱ Yesu o yin mbadi, Yehova a me̱nde̱ benga namse̱ ná musango na jalatane̱ ba be̱ o mwemba.

OMBWA SINIMA BATA DO̱LO̱! DENGE̱ O MALABE̱ MIN MYUEDI:

• O bebotedi, ne̱ni Miki a tano̱ e̱ne̱ mambo o mwemba mao e?

• Nje e tuko mo̱nge̱le̱ mao e?

• Ne̱ni eyembilan a Yesu yongwane̱no̱ Miki o po̱ngulane̱ mbad’ao ńa je̱ne̱ bonasango e? (Mk 14:38)

• Ne̱ni kalat’a Minia 19:11 e mongwane̱no̱ biso̱ o je̱ne̱ bonasango asu o mbad’a bwam e?