Paulo na Silas ba sesi Yehova na myenge ke̱ be o beboa. (Bbol 16:25) Nje ye mbaki ye nde ná di lo̱ngo̱ la myenge lembe̱ babo̱. Biso̱ pe̱ we̱nge̱ e? Myenge di mabolane̱no̱ o jowe̱ Loba name̱ne̱ pe̱ na myenge ma tobotobo me ná membe̱ biso̱, mongwane̱ pe̱ biso̱ o tika be̱ jemea owas’a kekise̱. Buka nika, mi masesa pe̱ Yehova. (Mye 28:7) Di momabe̱le̱ ponda ye̱se̱ ná di kombe̱ byala ba myenge mō̱. Mo̱ o keki o bola nika e? Je ná di bolane̱ jowe̱ la ndabo a mbia o jokwa lo̱ngo̱ myenge na jokwa pe̱ byala bao.

OMBWA SINIMA BANA BA MASESA YEHOVA NA MYENGE, DENGE̱ O MALABE̱ MIN MYUEDI:

• Ne̱ni lo̱ngo̱ la myenge ma Janea leno̱ ná di be̱ biso̱ muse̱ṅ e?

• Ne̱ni O̱fis a Bosenga/Sinima e maboṅsane̱no̱ no̱ngo̱ la madoi ońola myenge e?

• Ne̱ni bana na mbia mabu ba maboṅsane̱no̱ ońola no̱ngo̱ la madoi e?

• Njika myenge ma Janea o to̱ndino̱ tobotobo e, ońola nje pe̱ e?