Myango mi malee̱ ná manea mongwane̱ tumba la Yehova ponda iwo̱. (Esr 6:1-12; Yes 8:10-13) O nin we̱nge̱ pe̱, je̱n ne̱ni “wase” nika ńe nde badiedi bō̱ bena ba malee̱le̱ muyao, e ńo̱dino̱ “mo̱pi munde̱ne̱” ma mitakisan mena Satan Diabolo “ngungu a ngando” a wanno̱. (Bbī 12:16) Ponda iwo̱ Yehova, “Loba la jongise̱” a yo̱ki o bola ná manea ma waneye baboledi bao jongwane̱.​—Mye 68:21; Min 21:1.

Nde e po̱i so̱ te̱ ná o we̱le̱be̱ o beboa ońola dube̱ lo̱ngo̱ e? O si dimbea to̱ buńa ná Yehova a be̱n diso̱ omo̱ń ango̱. (Bbot 39:21-23; Mye 105:17-20) Be̱ mbaki ná dube̱ lo̱ngo̱ di me̱nde̱ namsabe̱ na ná tingame̱ lo̱ngo̱ di me̱nde̱ jembe̱ bonaso̱ngo̱ o wase ńe̱se̱.​—Fil 1:12-14; Bbī 2:10.

LEE̱ SINIMA BONASANGO BA KOREA BA TE̱SE̱BE̱ WONJA, DENGE̱ O MALABE̱ MIN MYUEDI:

• Ońola nje bebwea ba bonasango asu be we̱le̱be̱no̱ o beboa o Korea ńa Mikondo mimbu mi tombi e?

• Njika bedomsedi ba bekaisedi be boli ná bonasango asu bō̱ ba buse o beboa oboso ba ponda e?

• Ne̱ni jeno̱ ná jongwane̱ bonasango asu bena ba we̱le̱be̱ o beboa o wase ńe̱se̱ ońola dube̱ labu e?

• Ne̱ni jangame̱nno̱ bolane̱ wonja di be̱nno̱ oteten a ponda e?

• Nja nu mabole̱ ná di buke oboso ba manea e?