Mo̱ o be̱n oteten a 23 mbu na 65 mbu, o be̱ pe̱ o ebol’a pond’a mususu e? O be̱n ja la bwam, o be̱ pe̱ ńai ńe ná ni bolea to̱ we̱ni ńo̱ngi ńeno̱ bonde̱ne̱ e? Yete̱na e, mo̱ o mádutea o londise̱ dipapa la jukea o Esukul’a bate̱ dikalo la Janea e? Botea ná y’esukulu e botedino̱, lokoli la babaedi, name̱ne̱ pe̱ na bonasango na bonańango be mulamba ba málondise̱ di dipapa. Nde di be̱n te̱ nde ńo̱ng’a bonasango be mulamba. Baise̱ Yehova ná a bate bola wa ńo̱ng’a do̱lisane̱ mo̱ na ńa jembilane̱ Mun’ao. (Mye 40:9; Mt 20:28; Bon 10:7) Ombusa nika, dutea nga o be̱n mambo ma walame̱n wa ka m’bē̱ ma ndabo a mbia, beto̱m, to̱ ebol’a musawedi. Ye te̱ nika, mo̱ we ná o keka po̱ngulane̱ mambo ná o be̱ ka ni dongame̱n o jukea oten e?

Njika bebolo ba mabake̱no̱ bautu ombusa y’esukulu e? Bō̱ ba lomabe̱ owe̱ni leme̱ lope̱pe̱ lo mato̱po̱be̱no̱, to̱ o sue̱le̱ dikalo l’ebamban o mindi minde̱ne̱. Bape̱pe̱ be o bolea ka batimbane̱ baboledi b’ebondo to̱ ka bamuloloma. Niponda weno̱ dutea jombwea mambo weno̱ ná o bola o ebol’a Yehova, be̱ne̱ mulemlem ma edī kana muto̱ped’a mudī Yesaya nu kwali ná: “Mba nun, loma mba!”​—Yes 6:8.

OMBWA SINIMA BAMULOLOMA O EBOL’A MUMBWA NDE WALABE̱ MIN MYUEDI:

• Ne̱ni bamuloloma ba mapo̱so̱be̱no̱ e?

• Njik’ebol’a bwam bamuloloma beno̱ bola e?

• Njika minam mō̱ ebol’a muloloma e mawanano̱ e?