Emiase̱le̱ 27–Eso̱pe̱so̱pe̱ 2
MYENGE 42-44
Mwenge 86 na muka | Byingedi (1 min.)
1. We̱le̱ belēdi be mawe̱ ná Yehova o ebolo
(10 min.)
Tombwane̱ o jowe̱ Yehova mwemba na bane̱, bola nika boso na boso yete̱na nika ńe ná e we̱le̱ be̱ (Mye 42:5, 6; w06 1/6 9 § 4)
Kane̱ obiana o mokwa Eyal’a Loba (Mye 42:9; w12 15/1 15 § 2)
Ese̱le̱ ná Bibe̱l e die̱le̱ wa o mambo me̱se̱ o mabolano̱ (Mye 43:3)
Belēdi ba Loba be mouse̱ biso̱ ná di lembe̱ mikekisan, di we̱le̱ pe̱ londise̱ dikaki la bolea Yehova o bwindea.—1Pet 5:10; w16.09 5 § 11-12.
2. Misanga ma tiki ma mudī
(10 min.)
-
Mye 44:20—Nje ben byala ná “o wum’a mbo̱ eyidi” beno̱ ná be pula kwala e? (it-1 417)
-
Njika misanga ma tiki ma mudī o so̱ino̱ o bolanga ba Bibe̱l ba nin woki e?
3. Bolanga ba Bibe̱l
(4 min.) Mye 44:2-27 (th dongo 11)
4. Botea l’ekwali
(4 min.) O JO̱MBE̱ NA JO̱MBE̱. Baise̱ nu moto nga a mapula jokwa Bibe̱l. (lmd jokwa 5 to̱ti 5)
5. Bupe̱ la ńo̱ngi
(5 min.) O JO̱MBE̱ NA JO̱MBE̱. Bele̱ nu moto o ekwal’a ntelele e mabupe̱. Kwalea ońola sinima Nje e matombe̱ o ndabo a Janea e? (lmd jokwa 7 to̱ti 5)
6. Ekwali
(3 min.) lmd belēdi ba mbata A to̱ti 4—Tema: Moto te̱ a me̱nde̱ be̱ne̱ ja la bwam la ke̱nge̱nge̱. (th dongo 2)
Mwenge 21
7. No̱ngo̱ bedomsedi ba bwam jombwea ebolo n’esukulu
(15 min.) Jakwalisane̱.
A beso̱mbe̱, le o te̱se̱ nje lo me̱nde̱no̱ bola ke̱ lo bo̱le̱ esukulu e? Yen ebe lo mábe̱ne̱ ebolo ewo̱ lo mo̱nge̱le̱no̱, yena e me̱nde̱ bole̱ bińo̱ epolo o be̱ paonia. Pondapo̱ le o jo̱mbwea nga belongedi bepe̱pe̱ be bena be me̱nde̱ lee̱ bińo̱ y’ebolo, to̱ bola bińo̱ dipapa lena di me̱nde̱ jongwane̱ bińo̱ o so̱ ni ńai a ebolo. Nika ńe nde pond’a longe̱ lańu lo to̱ndino̱! Nde, mo̱nge̱le̱ mańu me ná ma londa na nje bińo̱ leno̱ ná lo to̱ndo̱ po̱so̱ to̱ londa na mińakisan ma no̱ngo̱ bedomsedi be mado̱lisane̱ bape̱pe̱. Nje so̱ e me̱nde̱ jongwane̱ bińo̱ o no̱ngo̱ bedomsedi ba bwam e?
Langa Mateo 6:32, 33. Denge̱ o mabaise̱ bukedi ná:
-
Ońola nje yeno̱ bwam o bia ná te̱ite̱i njika mambo ma mudī di te̱se̱no̱ o bola obiana di mano̱ngo̱ bedomsedi ba mweńa jombwea ebolo n’esukulu e?
-
Ne̱ni bayedi beno̱ ná bongwane̱ bana babu o bupe̱ malea me o Mateo 6:32, 33 e?—Mye 78:4-7
Angameye̱ ná seto̱ ńo̱ng’a be̱ m’bwaṅ to̱ be̱ moto nu be̱n dina nde e die̱le̱ bedomsedi bo̱ngo̱. (1Yoh 2:15, 17) O si dimbea ná be̱ne̱ la sango jita buka te̱ le ná di bola ná e be̱ moto ndutu o kasa mwe̱ndi ma janea. (Lu 18:24-27) Pulise̱ la m’bwaṅ di mabola ná e be̱ moto ndutu o be̱ne̱ dube̱ lou na mulatako ma bwam na Yehova.—Mt 6:24; Mar 8:36.
Lee̱ SINIMA Angame̱ye̱ ná o si lakisane̱ mambo ma be̱n su!—M’bwaṅ. Denge̱ o mabaise̱ bukedi ná:
-
Ne̱ni kalat’a Minia 23:4, 5 e mongwane̱no̱ wa o no̱ngo̱ bedomsedi ba bwam e?
8. Jokwa la Bibe̱l la mwemba
(30 min.) bt jok. 10 § 5-12
