Ka lambo laboso, ko̱kise̱ le nde belēdi na dibongo, nde be be̱n pe̱ bekima na beko̱kisedi. Yehova a mako̱kise̱ nde biso̱ ná jowe̱ mo̱ o mbadi ni do̱lisan mo̱. (Ro 12:1; Bon 12:10, 11) Ponda iwo̱, ye ná e be̱ ndutu o kasa ko̱kise̱, nde di mawana te̱me̱ la sim na minam. (Min 10:7) Nje ba ba mako̱kise̱ na ba ba mako̱kisabe̱ ba s’angame̱nno̱ dimbea e?

Nu nu mako̱kise̱. Batudu, bayedi na bane̱ bape̱pe̱ ba makeka o ko̱kise̱ na muyao na ndolo kana Yehova a mabolano̱. (Yer 46:28) To̱ beko̱kisedi ba ngińa bangame̱n nde bolabe̱ na ndolo na o mbadi ńangame̱n bete̱medi te̱.—Tit 1:13.

Nu nu mako̱kisabe̱. To̱ njika pat’a ko̱kise̱ di kusino̱ di si banga mo̱, di keke nde we̱le̱ mo̱ o ebolo dibokime̱ne̱. (Min 3:11, 12) Kana jeno̱ bato ba benama ba titi ke̱nge̱nge̱, e mapula biso̱ be̱se̱ ko̱kise̱ di makusano̱ o mbadi jita. Je ná di kusa ko̱kise̱ tongwea na nje di malangano̱ o Bibe̱l to̱ tongwea na nje di masengano̱ o ndongame̱n. Ponda iwo̱ pe̱ e mapula bō̱ ko̱kise̱ di mawe̱ o m’boko ma beko̱kisedi. Di kasi te̱ beko̱kisedi di mabe̱ longe̱ o bwindea.—Min 10:17.

OMBWA SINIMA “SANGO [YEHOVA] A MAKO̱KISE̱ NU ŃENA A TO̱NDINO̱,” DENGE̱ O MALABE̱ MYUEDI MI MABUPE̱:

• Ne̱ni longe̱ la Canon di botedino̱, ne̱ni pe̱ di tukono̱ e?

• Ne̱ni Yehova a ko̱kise̱no̱ mo̱ na ndolo e?

• Nje myango mao mi malee̱no̱ biso̱ e?