Nika jeno̱ o su la “mińa misukan,” di bi ná mambo ma me̱nde̱ nde benga be̱ bobe. (2Ti 3:1; Mt 24:8) Mbeu a ńolo e kwedi te̱, baboledi ba Yehova ba mabe̱ ba kusa bediedi o ponda bena be masunge̱ longe̱. Di me̱nde̱ nde jonga ke̱ di boṅsane̱ bwam tatan o mbad’a mudī na o mbad’eyobo.—Lu 16:10.

• Boṅsane̱ o mbad’a mudī: Ko̱lo̱ngo̱ne̱ o jokwa Bibe̱l. Okwa ńai na ńai a mbad’a te̱ dikalo. O si bwa bo̱ngo̱ yete̱na ońola son a ponda o titi na bane̱ bonasango ba mwemba. (Yes 30:15) Yehova na Yesu ba si po̱ti na wa to̱ buńa.—od-F 176 § 15-17

• Boṅsane̱ o mbad’eyobo: O sumo te̱ nje ye o mukuta ma jongise̱, mbia te̱ mwangame̱n be̱ne̱ ekotedi ya da, ya madiba, ya myanga na i ńai a mambo yete̱na e mapula ná mu je wuma ewo̱ ońola pond’a bwaba.—Min 22:3; g17.5-F 4, 6

OMBWA SINIMA MO̱ O MÁBOṄSANE̱ OŃOLA MBEU A ŃOLO E? DENGE̱ O MALABE̱ MYUEDI MI MABUPE̱:

• Ne̱ni jeno̱ ná di bo̱ṅsane̱ o mbad’a mudī ońola mbeu a ńolo e?

• Ońola nje jangame̱nno̱. . .

  • kwala na batudu ponda ye̱se̱ e?

  • boṅsane̱ mukuta ma jongise̱ e?

  • bia njika mbeu a ńolo ye ná i ko̱ na nje bola yete̱na nik’e bolan e?

• O njika mbadi ilalo jeno̱ ná jongwane̱ bane̱ ke̱ ba kusi mbeu a ńolo e?

BAISE̱ WAME̱NE̱ NÁ: ‘Nje neno̱ ná nokwa jombwea m’boṅsan na diboa la COVID-19 e?’