Ndolo ńe nde musinga mu matinge̱ mbia mwe̱se̱. Ndolo e titi te̱ e mabe̱ ndutu ná mbia mu je mulatako, mu bole pe̱ mambo mwemba. Ne̱ni bome, bito na bayedi beno̱ ná ba lee̱le̱ ndolo oteten a mbia e?

Mome ńe ndolo a mombwea ńo̱ng’a munj’ao, jo̱nge̱le̱ lao na besengedi bao. (Efe 5:28, 29) A mabola mbia mao nje e mapule̱ mo̱ o mbad’eyobo na o mbad’a mudī, nik’e be̱n pe̱ jowe̱ la ndabo a mbia woki te̱. (1Ti 5:8) Muto ńe ndolo a masibise̱ mo̱me̱ne̱ owas’a mom’ao, a lee̱le̱ pe̱ mo̱ edube ende̱ne̱. (Efe 5:22, 33; 1Pe 3:1-6) Babo̱ babane̱ bangame̱n be̱ ka ńe be̱be̱ o lakisane̱ mawuse̱ mō̱ na nune̱. (Efe 4:32) Bayedi be ndolo ba mombwea mun’abu te̱ ba lee̱ pe̱ mo̱ o to̱ndo̱ Yehova. (Ndi 6:6, 7; Efe 6:4) Mo̱ njika ndutu bana babu ba makusano̱ o esukulu e? Ne̱ni beno̱ lembe̱ mińakisan ma mako̱m mabu m’esukulu e? Ndolo e londi te̱ oteten a mbia, belongi bao be̱se̱ be mabe̱ musango na mbo̱le̱.

LEE̱ SINIMA LEE̱LE̱ NDOLO NI SI BE̱N SU O NDABO ANGO̱ ŃA MBIA, DENGE̱ O MALABE̱ MYUEDI MI MABUPE̱:

• Ne̱ni mome ńe ndolo a mabongwano̱ munj’ao na lee̱le̱ pe̱ mo̱ ná a mombwea mo̱ e?

• Ne̱ni muto ńe ndolo a malee̱no̱ ná a be̱nedi mom’ao edube ende̱ne̱ e?

• Ne̱ni bayedi be ndolo ba mayikiye̱no̱ bana babu Eyal’a Loba e?