Bokwe̱ Bibe̱l bangame̱n be̱ne̱ dube̱ lou, ná ba do̱lisane̱ Loba. (Bon 11:6) Je ná jongwane̱ babo̱ o bola nika tongwea na kalati Be̱ne̱ longe̱ le bonam o bwindea!. Ni kalati e be̱n myom ma text a Bibe̱l ońola belēdi, mbad’a dutea ńe ná bwē, myuedi mi mongwane̱ o so̱ṅtane̱, sinima i matape̱ mulema, na maduta me mpesa. Jongwane̱ te̱ bokwe̱ Bibe̱l o be̱ne̱ bede̱mo ba bwam na mulatako ma bwam na Loba, di malonga nde na belongisan be si madie̱ wea.—1Ko 3:12-15.

Bato bō̱ ba mo̱nge̱le̱ ná ye ndutu o be̱ diko̱m la Loba, ńena ba titino̱ ná be̱ne̱. Jangame̱n so̱ jongwane̱ babo̱ o bia Yehova na o lakisane̱ mo̱.

OMBWA SINIMA BOLANE̱ KALATI “BE̱NE̱ LONGE̱ LE BONAM O BWINDEA!” O JOUSE̱ DUBE̱ OŃOLA YEHOVA, DENGE̱ O MALABE̱ MYUEDI MI MABUPE̱:

• Ne̱ni di bino̱ ná nu munańango a boṅsane̱ di jokwa bwam e?

• Ne̱ni a bolane̱no̱ myuedi ma mbata a po̱sino̱ bwam o jongwane̱ mokwe̱ Bibe̱l ná a bole lao jo̱nge̱le̱ jombwea Yesaya 41:10, 13 e?

• Ne̱ni sinima na bepasi ba Bibe̱l ba tapino̱ nu mokwe̱ Bibe̱l e?

Bato jita ba si maso̱ṅtane̱ nje ye diko̱ti, ba si me̱ne̱ pe̱ to̱ mo̱ ka jabea Loba a bolino̱ mō̱ ńabu te̱. (Ga 2:20) Jangame̱n so̱ jongwane̱ babo̱ o be̱ne̱ dube̱ ońola jabea la diko̱ti la Yesu.

OMBWA SINIMA BOLANE̱ KALATI “BE̱NE̱ LONGE̱ LE BONAM O BWINDEA!” O JOUSE̱ DUBE̱ OŃOLA YESU, DENGE̱ O MALABE̱ MYUEDI MI MABUPE̱:

• Ne̱ni di bino̱ ná nu munasango a boṅsane̱ di jokwa bwam e?

• Ne̱ni a po̱sino̱ tema ńangame̱n o dongo “Bata wasa” o jongwane̱ mokwe̱ Bibe̱l e?

• Ońola nje muka mweno̱ mweńa ońola nu mokwe̱ Bibe̱l e?