Nje ye Bibe̱l a bosenga e? Bibe̱l a bosenga ńe nde Betukwedi ba was’a peńa ba batino̱ jombwea we̱no̱ ná o senga. Ńe o busisabe̱ son na son o leme̱ jita. Lambo diwo̱ di mongwane̱ o ni Bibe̱l a bosenga le nde ná e mabolane̱ doi le diwengisan ońola moto te̱ ńe o myango ma Bibe̱l. Balangedi ba mabonde̱ byala, ba we̱le̱ pe̱ besengedi o mbadi ni te̱nge̱n ná ba tombe̱le̱ mwe̱ndi ma Bibe̱l ná te̱ite̱i.

Nje bō̱ ba matombwane̱no̱ o bolane̱ la Bibe̱l a bosenga e? Bato jita bena ba ko̱lo̱ngo̱ne̱ bolane̱ Bibe̱l a bosenga ba to̱ndi mbadi ńena e mabolano̱ ná Eyal’a Loba e be̱ longe̱ ońol’abu. Ba me̱ne̱ ná senga la mulangedi ńe diwengisan ońola moto te̱ ńe o myango ma Bibe̱l di mongwane̱ babo̱ o je̱ne̱ biana be o dibe̱ke̱le̱, na o bata so̱ṅtane̱ nje e tilabe̱. (Min 4:5) Jita pe̱ di so̱i ná bolane̱ la Bibe̱l a bosenga di malo̱ko̱ babo̱ ponda mutaka mweno̱ babo̱ oteten.—Mye 94:19.

Senga la bolanga ba Eyal’a Loba na doi la mo̱ń le ná di be̱ne̱ ngińa omo̱ń a longe̱ lasu. (2Mya 34:19-21) Yete̱na Bibe̱l a bosenga ńena ńe mususu to̱ epasi e maso̱be̱ o eyeme̱ o maso̱ṅtane̱no̱, mo̱ we ná o bola ná senga la mo̱ di be̱ dongo diwo̱ la mambo ma mudī o mabolano̱ e?

LEE̱ SINIMA PO̱NGO̱ LA BIBE̱L A BOSENGA—ESUNGU, DENGE̱ O MALABE̱ MYUEDI MI MABUPE̱:

Nje e matape̱ wa o ebol’a po̱ngo̱ la Bibe̱l a bosenga e?