Ńo̱ng’a bayedi ba mabwe̱ Loba bo̱ngo̱ ńe nde ná bana babu ba timbe baboledi ba jemea ba Yehova. Bayedi be ná bongwane̱ babo̱ o bola nika tongwea na de̱ belēdi ba Bibe̱l o milema ma bana babu botea mūtu. (Ndi 6:7; Min 22 :6) Mo̱ nika e mabaise̱ miwe̱n e? Bwambi! Nde mi miwe̱n mi mawana bowe̱n.​—3Yo 4.

Bayedi be ná bokwa jita n’eyembilan a Yose̱f na Maria. “Ba ta be̱ bala o Yerusalem mbu te̱ o buńa bonde̱ne̱ ba Pasa,” to̱ná nika e tano̱ e baise̱ babo̱ miwe̱n na mo̱ni jita. (Lk 2:41) E me̱ne̱ne̱ na bwē ná ńo̱ng’a mudī ńa mbia mabu nde ba tano̱ ba te̱se̱ o epol’a boso. Mulemlem pe̱ we̱nge̱, bayedi be ná ba die̱le̱ bana babu o ngea ni te̱nge̱n ke̱ ba mokwe̱le̱ babo̱ ponda ye̱se̱ tongwea na byala babu n’eyembilan abu.​—Mye 127:3-5.

OMBWA SINIMA BOKWE̱LE̱ BANA BABU PONDA YE̱SE̱, DENGE̱ O MALABE̱ MIN MYUEDI:

• Ne̱ni Jon na Sharon Schiller ba we̱le̱no̱ myam ma Janea o epol’a boso ke̱ ba mabongwa bana babu e?

• Ońola nje dime̱ne̱ la mbe̱t’a dibongo ńa bayedi langame̱nno̱ nde be̱ bupisane̱ muna te̱ e?

• Ne̱ni bayedi beno̱ ná ba boṅsane̱ bana babu o buka makekisan ma dube̱ e?

• Njika belongisan ba bebokedi ba Yehova o bolane̱no̱ o jongwane̱ bana bo̱ngo̱ o ńaka o mudī e?