LONGE̱ LA KRISTE̱N
Milongwa ma bekwali o inte̱rne̱t—Samba malambi
OŃOLA NJE NIKA ŃENO̱ MWEŃA: Kapo̱ ka jita la belongisan, milongwa ma bekwali o inte̱rne̱t me ná mongwane̱ to̱ wana mbeu a ńolo. Kriste̱n iwo̱ i po̱si ná i si mabolane̱ mo̱. Ipe̱pe̱ i mabolane̱ mo̱ o kwalisane̱ mbia na mako̱m mabu. Nde Diabolo a si mapula ná di bolane̱ mo̱ na dibie̱, ńa nika e londe̱ dina lasu mbindo, e ńamse̱ pe̱ mulatako masu na Yehova. Kapo̱ ka Yesu, je ná di bolane̱ bete̱sedi be o Eyal’a Loba o so̱ malambi na samba pe̱ mo̱.—Lk 4:4, 8, 12.
MALAMBI O SAMBA:
-
Bolane̱ la milongwa ma bekwali o inte̱rne̱t buka moyo. Tombise̱ la ponda jita o milongwa ma bekwali o inte̱rne̱t di mibane̱ biso̱ tik’a ponda jangame̱nno̱ bolane̱ ońola mambo ma mudī
Bete̱sedi ba Bibe̱l: Efe 5:15, 16; Fil 1:10
-
Jombwa la mambo ma mbindo. Jombwa la mambo ma titi ko̱nji di madie̱le̱ o musonje to̱ o be̱ mukom a bedinge̱dinge̱ ba maye̱. Langa la matila ma bato ba to̱bi jowe̱ la mbale̱ to̱ ma mombweye̱ longe̱ la bato o inte̱rne̱t le ná di bo̱bise̱ dube̱
-
We̱le̱ la maduta to̱ tila nje e titi ko̱nji. Kana mulema mweno̱ muyo̱mbo̱yo̱mbo̱, moto e ná a we̱le̱ maduta to̱ tila mambo ma titi ko̱nji o milongwa ma bekwali o inte̱rne̱t. Nde nika ńe ná e londe̱ dina la moto mbindo to̱ so̱njise̱ mo̱ o mbad’a mudī
OMBWA SINIMA BOLANE̱ MILONGWA MA BEKWALI O INTE̱RNE̱T NA DIBIE̱, DENGE̱ O MAPO̱NGO̱ NDIMBISEDI ŃA NE̱NI SAMBA BEN BETE̱MEDI:
