OŃOLA NJE NIKA ŃENO̱ MWEŃA: Jokwa la Bibe̱l la moto mo̱me̱ne̱ di mongwane̱ o “bia nje ye tindame̱ na bwaba na njiba na jasame̱” la mbale̱. (Efe 3:18) Di mongwane̱ pe̱ biso̱ o tika be̱ ka ni si be̱n misan na ni si be̱n diwuse̱ o nin was’a bobe, na o ‘jalea eyal’a Loba na kaṅ.’ (Fil 2:15, 16) Di jokwa l’Eyal’a Loba di mabola biso̱ epolo o po̱so̱ milopo ma mokwa bupane̱ ńo̱ng’asu. Nje jeno̱ ná di bola ná ponda di matombise̱no̱ o langa na jokwa Bibe̱l e be̱ biso̱ muse̱ṅ e?

NE̱NI BOLA NIKA:

• Kika myemba mō̱ o make pe̱ mambo mō̱ o Bibe̱l ango̱, e be̱ ńa pepa to̱ ni ńe o telefon to̱ o tafe̱l

• O bolanga bo̱ngo̱ ba Eyal’a Loba, baise̱ wame̱ne̱ min myuedi: ‘Nja? Nje? Njika ponda? Owe̱ni? Ońola nje? Ne̱ni?’

• Wasa bia nje e tombi. Bolane̱ belongisan ba muwaso, po̱ngo̱ muwaso bupane̱ tema to̱ epas’a Bibe̱l

• Dutea nje o langino̱ ná we̱ne̱ ne̱ni nika e mombweano̱ wa

• We̱le̱ nje o mokwano̱ o ebolo o longe̱ lo̱ngo̱ la buńa te̱.​—Lk 6:47, 48

OMBWA SINIMA BENGA ‘JALEA NA KAṄ’ TONGWEA NA JOKWA LA WAME̱NE̱ LA BWAM, DENGE̱ O MALABE̱ MIN MYUEDI:

• Nje bō̱ ba kwalino̱ ońola jokwa la moto mo̱me̱ne̱ e?

• Ońola nje jangame̱nno̱ kane̱ ponda te̱ ke̱ di mabotea jokwa la biso̱me̱ne̱ e?

• Nje ye ná yongwane̱ biso̱ o bata so̱ṅtane̱ epas’a Bibe̱l ewo̱ bwam e?

• Njika maki jeno̱ ná di po̱ngo̱ o Bibe̱l asu ńa jokwa e?

• Ońola nje dutea leno̱ mweńa jita ponda jeno̱ jokwa Eyal’a Loba e?

• Nje jangame̱nno̱ bola na nje di mokwano̱ e?