Ońola nje jangame̱nno̱ longe̱le̱ ńolo na dibie̱ e? Ońolana di mapo̱so̱ te̱ sinima di mombwano̱, mwenge di masengano̱, mulomba di maso̱lo̱no̱, loko la video di mokano̱, je nde o po̱so̱ nje e malonde̱ biso̱ o mo̱nge̱le̱. Nje di mapo̱so̱no̱ e be̱n ngińa omo̱ń a bedangwedi basu. Nje ye ndedi ye nde ná, mbad’a longe̱le̱ ńolo jita we̱nge̱ i be̱n mambo Yehova a singe̱no̱. (Mye 11:5; Ga 5:19-21) Ońola nika, Bibe̱l e mome̱le̱ biso̱ ná di benge jo̱nge̱le̱ mambo ma masese̱ Yehova.​—Fil 4:8.

OMBWA SINIMA NE̱NI NANGAME̱NNO̱ LONGE̱LE̱ ŃOLO E? DENGE̱ O MALABE̱ MYUEDI MI MABUPE̱:

• Ne̱ni maloko ma njo ma Roma ńa kwaṅ meno̱ bowan na mbad’a longe̱le̱ ńolo iwo̱ ya we̱nge̱ e?

• Ne̱ni belongi ba mwemba beno̱ ná bongwane̱ beso̱mbe̱ o po̱so̱ longe̱le̱ la ńolo na dibie̱ e?

• Ne̱ni kalat’a Roma 12:9 ńeno̱ ná ńongwane̱ biso̱ o po̱so̱ mbad’asu ńa longe̱le̱ ńolo e?

• O mundi mo̱ngo̱ njika mbad’a longe̱le̱ ńolo ye ya bwam e?